जळगाव : सात वर्षांपासून सुरू असलेली एल. के. फाउंडेशनची रावणदहनाची परंपरा यंदाही कायम राहणार आहे. यंदा कोरोनामुळे त्यासंबंधी सर्व प्रोटोकॉल पाळून रावणदहन होईल. त्याचे लाइव्ह प्रक्षेपण कोरोनासंबंधी सर्व नियमावली पाळून हा सोहळा साजरा होणार आहे.
दर वर्षी विजयादशमीला रावणदहनाची परंपरा आहे. जळगाव शहरातही अनेक वर्षांपासून ही परंपरा सुरू आहे. सात वर्षांपूर्वी पंचमुखी हनुमान व्यायामशाळेतर्फे हा उत्सव साजरा केला जायचा. त्यानंतर ही धुरा एल. के. फाउंडेशनने सुरू ठेवली. दर वर्षी मेहरूणच्या चौपाटीवर हा उत्सव हजारोंच्या जनसमुदायात साजरा होतो. यंदा कोरोनाची स्थिती असताना रावणदहनाची परंपरा कायम राहील काय, याबाबत प्रश्नचिन्ह होते. मात्र, यंदाही ही परंपरा साजरी होणार आहे.
असे असेल स्वरूप
कोरोनाच्या पार्श्वभूमीवर सरकारने रावणदहनाबाबत काही दिशानिर्देश दिले आहेत. ते पाळून यंदाचा रावणदहन सोहळा साजरा होणार आहे. शिरसोली मार्गावरील रुस्तमजी इंटरनॅशनल स्कूलच्या मैदानावर रावणदहन होईल. पालकमंत्री गुलाबराव पाटील, जिल्हाधिकारी अभिजित राऊत, पोलिस अधीक्षक डॉ. प्रवीण मुंढे, आमदार राजूमामा भोळे, महापौर भारती सोनवणे यांच्यासह काही मर्यादित प्रमुख पाहुण्यांच्या उपस्थितीत हा सोहळा पार पडेल.
शासनाने कोरोनाच्या पार्श्वभूमीवर रावणदहनाबाबत दिशानिर्देश दिले असून, ते सर्व पाळून हा उत्सव साजरा करण्यात येईल. त्यासाठी पोलिस व जिल्हा प्रशासनाची परवानगी मागितली आहे. ती उद्यापर्यंत मिळेल. हा संपूर्ण सोहळा विविध फेसबुक पेज, यू-ट्यूब चॅनलवर जळगावकरांसाठी लाइव्ह दाखविण्यात येईल.
- ललित कोल्हे (माजी महापौर तथा अध्यक्ष, एल. के. फाउंडेशन)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
