जळगावचे लसीकरण होणार सुरळीत; २९ हजारांवर डोस प्राप्त

जळगाव : जिल्ह्यात कोविशील्डसह (covshield) कोव्हॅक्सीन (Covacin) या दोन्ही लशींचा (vaccine) साठा प्राप्त झाला असून, जळगाव शहरासह काही केंद्रांवर (vaccine center) दोन दिवसांपासून बंद असलेले लसीकरण (vaccination)मंगळवार (ता. २२) पासून पुन्हा सुरळीत होणार आहे.(jalgaon district corona vaccination smooth start)

शनिवारपासून जिल्ह्यातील काही केंद्रांवर लस उपलब्ध नसल्याने लसीकरण मोहीम बंद होती. रविवारी (ता. २०) व सोमवारी (ता. २१) जळगाव शहरातील लसीकरणही जवळपास ठप्प होते. मात्र, सोमवारी सायंकाळी लशींचा साठा प्राप्त झाल्यानंतर मंगळवारपासून लसीकरण सुरळीत होणार आहे. जिल्ह्यासाठी कोविशील्डचे २६ हजार १२० डोस, तर कोव्हॅक्सीनचे ३,३२० डोस प्राप्त झालेत. सोमवारी दिवसभरात जिल्ह्यातील विविध केंद्रांवर ३,२७२ जणांना पहिला डोस, तर ३७९ जणांना दुसरा डोस देण्यात आला.

खासगी हॉस्पिटलमध्येही लसीकरण
लसीकरण मोहिमेत खासगी हॉस्पिटलला सहभागी करून घेण्यात आले आहे. पैकी गायत्री हॉस्पिटलमध्ये २,२१० तर संवेदना हॉस्पिटलमध्ये १,२९० असे ३,५०० कोविशील्डचे, तर विश्‍वप्रभा हॉस्पिटलमध्ये कोव्हॅक्सीनचे ३,५९० डोस उपलब्ध आहेत.