gold
gold

अहो आश्‍चर्यम्...पितृपक्षानंतरही सोन्याची चमक फिकी; गुंतवणूकदारांना सुवर्णसंधी

पितृपक्षात सोने खरेदी अनिष्ट मानली जाते. त्यामुळे मागणी अन् दरांत घसरण होते, असा आजवरचा समज आहे. त्यामुळे सुवर्णबाजारात सोने खरेदीसाठी पितृपक्षानंतर उसळी पाहायला मिळते. यंदा मात्र हे चित्र काहिसे बदललेले दिसते. जागतिक पातळीवरील अस्थिरता, कमॉडिटी बाजारातील घसरण, कोरोनाचा इफेक्ट आणि भारत- चीन तणावाची स्थिती, याचा परिणाम सोन्या-चांदीच्या दरावर झाला असून, पितृपक्षानंतरही सोन्याची चमक अद्याप फिकी आहे. त्यामुळे गुंतवणूकदारांना सोने खरेदीची चांगली संधी मिळाली आहे. सोन्याचा आजचा (ता. २७) भाव प्रतितोळा ५० हजार ३००, तर चांदी प्रतिकिलो ५९ हजार ५०० रुपयांचा भाव आहे. 
 

सोन्या- चांदीच्या दरात चढ- उतार

सोन्या- चांदीच्या दरात गेल्या पंधरा दिवसांत कमालीचा चढ- उतार दिसून आला. गुंतवणूकदारांना सोन्याच्या भावाने रविवारी (ता. २७) पुन्हा सुखद धक्का दिला. सोने प्रतितोळा ५० हजार ३००, तर जीएसटीसह ५१ हजार ८०० रुपयांना विकले गेले. मागणीत घट झाल्याने सोने स्वस्त झाले आहे. सोने दर गेल्या पंधरा दिवसांत अडीच हजार रुपयांनी घसरला, तर चांदीचा दर किलोमागे तब्बल चौदा हजार रुपयांनी खाली आला. सोने १० ग्रॅमला ५०,३०० रुपये, तर चांदीचा भावही घसरून तो प्रतिकिलो ५९,५०० रुपये तर जीएसटीसह ६१ हजार २८५ पर्यंत पोहोचला आहे.  
 

पितृपक्षानंतर सोने-चांदीच्या भावात झालेली घसरण 

तारीख---सोन्याचे भाव--चांदीचे भाव 
१६-----५१,६००-----६६,००० 
१७-----५१,५००-----६५,००० 
१८------५१,१००----६५,००० 
१९-----५२,१००-----६५,००० 
२०-----५१,१००-----६५,००० 
२१-----५१,८००-----६८,००० 
२२-----५१,०००-----६१,००० 
२३-----५०,७००-----६०,००० 
२४------५०,२००-----५८,००० 
२५-----५०,३००------६०,००० 
२६-----५०,३००------५९,५०० 
२७-----५०,३००------५९,५००

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com