esakal | नवीन कैद्यांसाठी आता शासकीय तंत्रनिकेतन विद्यालयात कारागृह

बोलून बातमी शोधा

jail
नवीन कैद्यांसाठी आता शासकीय तंत्रनिकेतन विद्यालयात कारागृह
sakal_logo
By
देविदास वाणी

जळगाव ः कारागृहातील कैद्यांना कोरोना विषाणूचा प्रादुर्भाव टाळण्यासाठी तसेच दररोज कारागृहात नव्याने दाखल होणाऱ्या बंद्यांना अलगीकरण व संस्थात्मक विलगीकरण सुविधा निर्माण करणे आवश्यक आहे.

हेही वाचा: जिल्हाधिकाऱ्यांकडे आली तक्रार; आणि तत्काळ विवाह सोहळ्यावर कारवाई

यासाठी येथील शासकीय तंत्रनिकेतन विद्यालयातील प्रशिक्षाणार्थी वसतीगृहामधील एकूण ४ खोल्या (३ खोल्या पुरुष कैदी व १ खोली महिला कैदी) हे ठिकाण पुढील आदेश होईपावेतो अधिग्रहीत करण्यात येत आहे. याठिकाणी तात्पुरते कारागृह हे कोविड केअर सेंटर म्हणून घोषित करीत आहे, असे आदेश जिल्हाधिकारी अभिजीत राऊत यांनी आज काढले आहे.

हेही वाचा: डॉक्टर आजोबाची कमाल ! मधुमेह, दमा, हृदयविकार..तरीही कोरोनावर मात

पोलिस अधिक्षक, जळगाव शहर महानगरपालिका, सार्वजनिक बांधकाम विभाग, सार्वजनिक बांधकाम (विद्युत विभाग), जिल्हा शल्य चिकीत्सक आणि अधिक्षक, जळगाव जिल्हा कारागृह वर्ग-2 यांनी आरोग्य सुविधा, आवश्यक त्या सोईसुविधांसह सुरक्षेच्या योजना करुन आवश्यक ती खबरदारी घ्यावयाची आहेत. असेही जिल्हाधिकारी राऊत यांनी म्हटले आहे.

संपादन- भूषण श्रीखंडे