भयंकर घटना : वीज थेट डोक्यावर पडली; दोन जण ठार !

कासोदा : जळगाव जिल्ह्यातील एरंडोल तालुक्यातील कासोदा जवळच असलेल्या तळई गावात आज दुपारी ढगाच्या गडगडाटसह पाऊस (Rain) झाला. यावेळी दोन वेगवेगळ्या भागात वीज (lightning) पडून दोन जण ठार (Death) झाल्याची घटना घडली. यात एका ५५ वर्षीय इसमाचा तर आठरा वर्षीय मुलाचा समावेश आहे. (lightning strike two parson death)

पहिल्या घटनेत विक्रम दौलत चौधरी (५५) हे पाऊस सुरु असल्याने हकेच्या अंतारावर असलेल्या शेताततून ते घरी परत येत होते. त्याच वेळी वीज थेट विक्रम चौधरी यांच्या डोक्यावर वीज पडल्याने डोके फाटून ते जागीच ठार झाले. मागून येणाऱ्या मजूर महिलांनी चौधरी हे मृत अवस्थेत पाहिल्यावर त्यांनी गावात माहिती दिली. त्यांचे शवविच्छेदन कासोदा प्राथमिक आरोग्य केंद्रात करण्यात आले. त्यांच्या पश्चात पत्नी, दोन मुले , सुना असा परिवार आहे.

झाडाखाली बसला आणि वीज अंगावर पडली

तळई गावाजवळच ब्राम्हण मळा भागात दुपारी दुसरी घटना घडली. स्वतःच्या शेतात गेलेला भूषण अनिल पाटील ( वय १८) हा गेला होता. पाऊस पडत असल्याने झाडाखाली आठ जणांच्या घोळक्यामध्ये मधोमध भुषण बसला. अचानक जोरात वीज कडाडून थेट भूषणच्या अंगावर पडली. बेशुद्ध भूषणला तातडीने तळई प्राथमिक आरोग्य केंद्रात नंतर एरंडोल ग्रामीण रुग्णालयात आणले असता त्याचा मृत्यू झाला.