भाजपचा उद्देश खोटा ठरला ! ज्यांनी भूमिपूजन केले त्यांच्याच हस्ते जलपूजन करू 

अमळनेर : एकनाथराव खडसे यांनी जे जे प्रकल्प हाती घेतले ते पूर्ण होऊ द्यायचे नाही असा भाजपचा उद्देश होता. म्हणूनच पाडळसे प्रकल्प रखडलेला दिसतो. मात्र, खडसे यांनी या प्रकल्पाचे भूमिपूजन केले आहे. आता अडीच ते तीन वर्षात धरणाचे काम पूर्ण करून त्यांच्याच हस्ते जलपूजन करू, असे आश्वासन जलसंपदामंत्री जयंतराव पाटील यांनी तालुक्यातील पाडळसे येथील धरणाच्या पाहणीप्रसंगी दिले.

आवश्य वाचा- जिल्‍ह्‍याला जलसंपदा मंत्री लाभल्‍यानंतरही प्रकल्‍प राहिले अपुर्ण; खडसेंचा महाजनांवर निशाणा

ज्येष्ठ नेते एकनाथराव खडसे, अरुणभाई गुजराथी, मनीष जैन, गफ्फार मलिक, आमदार अनिल भाईदास पाटील, लता सोनवणे, माजी आमदार साहेबराव पाटील, जयश्री पाटील आदी व्यासपीठावर उपस्थित होते. 

जलसंपदा मंत्री होणार असे वाटले नव्हते

जयंतराव पाटील पुढे म्हणाले, की निवडणुकीच्या वेळी मी सभेला आलो होतो त्यावेळी गर्दी पाहून मी म्हणालो होतो की सीट आपलीच आहे. राष्ट्रवादीचा आमदार निवडून द्या. आम्ही सत्ता आल्यावर धरण पूर्ण करू. निवडणुकीनंतर मात्र असे वाटले नव्हते की सत्ता आपली येईल व आपण जलसंपदा मंत्री पण आपण होऊ म्हणाले.

आवश्य वाचा- मध्यरात्रीचा थरार..घरात घुसून महिलेला चाकूचा धाक दाखवत लुटले
 

अडीच वर्षात धरणाचे काम पूर्ण करू

पाडळसे धरणाचे सुधारित डिझाईन लवकरच प्राप्त होणार आहे. त्यानंतर धरणाचे काँक्रीटीकरणाचे काम सुरू होईल. हे काम सुरू झल्यानंतर आपण बंद पडू देणार नाहीत. येत्या अडीच ते तिन वर्षात धरणात उपयुक्त जलसाठा होईल एवढ्या कामाचा पुरेसा निधी आपण उपलब्ध करून देऊ अशी ग्वाहीही त्यांनी यावेळी दिली. यावेळी आमदार अनिल पाटील, एकनाथराव खडसे यांनीही मनोगत व्यक्त केले. रणजित शिंदे यांनी सूत्रसंचालन केले. तापी पाटबंधारे विभागाच्या अभियंता श्रीमती देशमुख यांनी आभार मानले.

संपादन- भूषण श्रीखंडे