Jalgaon : मोबाईल चोरट्याच्या मुसक्या आवळल्या | Sakal
sakal

बोलून बातमी शोधा

thief Arrested

Jalgaon : मोबाईल चोरट्याच्या मुसक्या आवळल्या

जळगाव : शहरात मोबाईल हिसकावून पळ काढणाऱ्या भामट्याला (Mobile Thief) स्थानिक गुन्हे शाखेच्या पथकाने अटक केली आहे. त्याच्याकडून जिल्हापेठ पोलिस ठाण्यात दाखल गुन्ह्यातील एक मोबाईल हस्तगत करण्यात आला आहे. युसूफ शेख ऊर्फ चिल्या इसा शेख (रा. शिवाजीनगर हुडको, जळगाव) असे अटकेतील संशयिताचे नाव आहे. (Mobile thief caught red handed Jalgaon Crime News)

हेही वाचा: Nashik : मतदारांच्या सन्मानार्थ आयुक्त मैदानात

जळगाव शहरात विविध ठिकाणी मोबाईल चोरीच्या घटना वाढल्या आहेत. त्या पार्श्वभूमीवर पोलिस अधीक्षक डॉ. प्रवीण मुंढे यांनी स्थानिक गुन्हे शाखेला चोरट्याचा शोध घेऊन त्यास अटक करण्याच्या सूचना व आदेश दिले होते. शिवाजीनगर हुडकोतील संशयित युसूफ शेख ऊर्फ चिल्या हा मोबाईल चोरीत पारंगत असल्याची गुप्त माहिती स्थानिक गुन्हे शाखेचे पोलिस निरीक्षक किरणकुमार बकाले यांना मिळाली होती. त्याच्या पथकातील विजयसिंग पाटील, जितेंद्र पाटील, अक्रम शेख, महेश महाजन, नितीन बाविस्कर, राहुल पाटील अशांच्या पथकाने शिवाजीनगर भागातून माहिती काढून संशयित युसूफ शेख यास अटक केली. दोन अल्पवयीन साथीदारांसोबत मोबाईल चोरीच्या गुन्ह्याची संशयित युसूफ शेख याने कबुली दिली आहे. त्याच्याकडून जिल्हापेठ पोलिस ठाण्यात दाखल गुन्ह्यातील एक मोबाईल जप्त करण्यात आला आहे

हेही वाचा: मद्यपी प्रेमवीराचा पोलीस ठाण्यात आत्महत्येचा प्रयत्न

Web Title: Mobile Thief Caught Red Handed Jalgaon Crime News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..