जळगाव महापालिकेत कामात कसूर करणाऱ्या तिघांचे निलंबन, 41 कर्मचाऱ्यांना नोटीस | Sakal
sakal

बोलून बातमी शोधा

Jalgaon Municipal Corporation

जळगाव महापालिकेत कामात कसूर करणाऱ्या 41 कर्मचाऱ्यांना नोटीस

जळगाव : कामात कसूर करणाऱ्या मलेरिया विभागातील तिघांचे निलंबन करण्यात आले, तर ४१ कर्मचाऱ्यांना शोकॉज नोटीस बजावण्यात आली. बुधवारी (ता. ११) महापालिका आयुक्त डॉ. विद्या गायकवाड यांनी ही कारवाई केली.

महापालिकेच्या कर्मचाऱ्यांना शिस्त लावण्यासाठी अचानक कर्मचाऱ्यांचे हजेरीबुक मागविण्यात येत आहे. दिवसातून केव्हाही दोन वेळेस हजेरीबुक ताब्यात घेण्यात येत असून, ड्यूटीवर असताना गायब होणाऱ्या कर्मचाऱ्यांना नोटीसा बजाविण्यात येत आहेत. पहिल्याच दिवशी आयुक्त डॉ. विद्या गायकवाड यांनी महापालिकेच्या प्रवेशद्वारावर बसून उशिरा येणाऱ्यांची चांगलीच हजेरी घेतली होती. त्यानंतर अधूनमधून अचानक हजेरी बुक मागविण्यात येत आहेत. त्यामुळे कामावर हजेरी लावून गायब होणाऱ्या कर्मचाऱ्यांवर वचक निर्माण झाला आहे. असे असताना बुधवारी डॉ. विद्या गायकवाड यांनी अचानक सकाळी सहाला श्‍यामाप्रसाद मुखर्जी उद्यान, मलेरिया विभाग, पाणीपुरवठा युनिट व बांधकाम युनिटला भेट देऊन तेथील कर्मचाऱ्यांची तपासणी केली. या तपासणीदरम्यान हजेरी मस्टरवर तफावत आढळून आल्या. काही लोक हजेरी लावलेली असताना, गायब होते. तसेच काही लोकांकडून आपली जबाबदारी पार पाडली जात नसल्यामुळे मलेरीया विभागातील तीन जणांचे निलंबन करण्यात आले. यात मलेरिया विभागातील आरोग्य पर्यवेक्षक व दोन मजुरांचा सामावेश आहे. तसेच मलेरिया विभागप्रमुखांचे आपल्या विभागातील कर्मचाऱ्यांवर नियंत्रण नसल्यामुळे त्यांना नोटीस बजाविण्यात आली असून, इतर विविध विभागातील ४१ कर्मचाऱ्यांनाही नोटीस बजाविण्यात आल्या आहेत.

हेही वाचा: जळगाव : रावेरमधील १२ ग्रामपंचायतींची ५ जूनला पोटनिवडणूक

हेही वाचा: जळगाव : रावेरमधील १२ ग्रामपंचायतींची ५ जूनला पोटनिवडणूक

Web Title: Notice To 41 Employees Of Jalgaon Municipal Corporation

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top