Jalgaon Crime News : कुलरमध्ये दडवलेला नायलॉन मांजा जप्त

जळगाव : मुंबई उच्च न्यायालयाच्या औरंगाबाद खंडपीठाने नायलॉन मांजा विक्रीस बंदी केली आहे. त्यानुसार महापालिकेतर्फे तपासणीची धडक मोहीम राबवून पतंग गल्लीत एका दुकानावर छापा टाकून कुलरमध्ये लपविलेला नायलॉन मांजा जप्त करण्यात आला व त्यांना पाच हजार रुपये दंड आकारण्यात आला. (Nylon manja hidden in cooler seized Jalgaon Crime News)

हेही वाचा : जोखमीचे भान राखूनच करा SIP मध्ये गुंतवणूक

महापालिकेचे सहाय्यक आयुक्त उदय पाटील यांच्या मार्गदर्शनाखाली आरोग्य विभागाच्या पथकाने ही कारवाई केली. जोशी पेठेतील पतंग गल्लीत वृत्तीक पुरण खिची यांच्या दुकानावर कारवाई करण्यात आली.

त्यांनी कूलरमध्ये लपविलेला नायलॉन मांजा जप्त करण्यात आला. त्यांना पाच हजार रुपये दंड आकारण्यात आला. शहरात कोणीही नायलॉन मांजाची विक्री करू नये, तसेच विक्री करताना आढळल्यास महापालिकेतर्फे कारवाई करण्यात येईल, असा इशाराही सहाय्यक आयुक्त उदय पाटील यांनी दिला आहे.