Jalgaon News : कपिलेश्वर यात्रोत सव्वा लाख भाविकांची उपस्थिती

कळमसरे (जि. जळगाव) : अमळनेर तालुक्याच्या पश्चिमेला असलेले खानदेशातील पर्यटन व तीर्थक्षेत्र म्हणून ओळख लाभलेल्या नीम (ता. अमळनेर) जवळील कपिलेश्वर महादेव मंदिराच्या (Temple) यात्रोत्सवाला आजपासून सुरवात झाली. (quarter of million devotees in Kapileshwar Yatra jalgaon news)

सुमारे पंधरा दिवस हा यात्रोत्सव साजरा होत आहे. आज महाशिवरात्रीनिमित्त पहाटेपासूनच भाविकांच्या दर्शनासाठी रांगा लागल्या होत्या. यात्रेच्या पहिल्याच दिवशी जवळपास सव्वा लाख भाविक महादेवाच्या पायरीवर नतमस्तक झाल्याचा अंदाज व्यक्त करण्यात आला. रात्री उशीरापर्यंत दर्शनासाठी भाविकांची रिघ सुरूच होती.

आमदार अनिल पाटील, माजी आमदार स्मिता वाघ यांनीही दर्शन घेत ट्रस्टींची भेट घेतली. गर्दीचा उच्चांक पाहता, मंदिरापासून दीड किलोमीटर अंतरापर्यंत वाहनांसाठी पार्किंगची व्यवस्था करण्यात आली होती. मारवड पोलिस ठाण्याचे जयेश खलाणे यांच्या नेतृत्वाखाली पोलिसांचा चोख बंदोबस्त ठेवण्यात आला होता.

हेही वाचा : हिंडेनबर्ग अहवालाचा फटका भाजपला भविष्यात बसणार?

तालुका व तालुक्याबाहेरील येणाऱ्या भाविकांसाठी अमळनेर आगारातून थेट मंदिरापर्यंत बसेसची व्यवस्था करण्यात आली होती. दर्शन घेतल्यानंतर यात्रा पाहण्यासाठी भाविक नौकेने पलिकडे जाताना येताना दिसून आले. यावेळी अनेकांनी नौका विहाराचा मनमुराद आंनद लुटला.