रावेर (जि. जळगाव) : तालुक्यात मे अखेर व जूनच्या पंधरवाड्यात झालेल्या वादळी पावसाच्या तडाख्यामुळे सुमारे ५६ गावांमधील अकराशे हेक्टर क्षेत्रावरील केळीचे नुकसान झाल्याचा पंचनामा करण्यात आला आहे. ज्यात सुमारे ५९ कोटी रुपयांचे नुकसान झाल्याची नोंद करण्यात आली असून हा अहवाल जिल्हाधिकारी व जिल्हा कृषी अधीक्षकांना पाठविण्यात आला आहे.
रावेर तालुक्यात ३१ मे तसेच ८ व ११ जूनला वादळी पाऊस झाला होता. वादळाचा जोर काही वेळ जास्त असल्याने वादळाच्या तडाख्यात शेतकऱ्यांचे केळी पीक अक्षरशः जमिनदोस्त झाले होते. महसूल व कृषी विभागातर्फे सुरवातीला ३१ मे रोजी पंचनामे करण्यात आले. त्यानंतर ८ व ११ जूनला झालेल्या नुकसानीचे पंचनामे आज पूर्ण झाले. तीन दिवसांत झालेल्या वादळी तडाख्यामुळे ५६ गावांमधील तब्बल २ हजार ३८३ शेतकऱ्यांच्या १ हजार १७७.१४ हेक्टर क्षेत्रातील केळी पिकाचे सुमारे ५९ कोटी २७ लाख ३२ हजार ६६८ रुपयांचे नुकसान झाल्याची नोंद पंचनाम्यात करण्यात आली आहे. दरम्यान, सध्या केळीला विक्रमी भाव मिळत आहे. अशातच वादळी पावसाच्या तडाख्यामुळे केळी पीक उद्ध्वस्त झाल्याने शेतकऱ्यांचा हातातोंडाशी आलेला घास हिरावला गेला आहे. त्यामुळे राज्य व केंद्र सरकारने नुकसानग्रस्त शेतकऱ्यांना भरीव मदत द्यावी, अशी अपेक्षा केळी उत्पादक शेतकऱ्यांमधून व्यक्त होत आहे.
रावेर तालुक्यात झालेल्या नुकसानाची आकडेवारी
तारीख गावे शेतकरी बाधित क्षेत्र (हेक्टर) एकूण नुकसान
३१ मे ...... १५ गावे ...... ६०८ ......... ३०८.२३ ............. १३ कोटी ७३ लाख ५२ हजार
८ जून ...... २५ गावे ...... १,३८६ ...... ७९९.९१ ............. ३१ कोटी ९९ लाख ६४ हजार
११ जून ..... १६ गावे ...... ४०७ ......... ३३९ .................. १३ कोटी ५४ लाख १६ हजार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
