Dussehra 2023 : अयोध्या नगर, मेहरूण तलावावर आज रावण दहन

Dussehra 2023 : विजयादशमीनिमित्त आज (ता.२४) शहरात दोन ठिकाणी रावण दहनाचा कार्यक्रम होणार आहे. अयोध्यानगरातील पंचवटी चौक सांस्कृतिक मित्र मंडळ, भाजप महानगरतर्फे (ता.२४) १५ फुटी रावण दहन होणार आहे.

त्यासाठी रावणाची प्रतिकृती साकारण्यात आली आहे.(Ravana Dahan program will held at two places in city jalgaon news)

सायंकाळी सहाला हनुमान मंदिर, अयोध्या नगर येथे रावण दहन होईल. मूर्तिकार दिलीप रोटे, प्रतिकृतीसाठी मंडळाचे पदाधिकारी जीवन पाटील, खुशाल खडके, गौरव पाटील, भावेश सुपे यांनी रावण उभारणीचे कामकाज केले आहे.

अयोध्या नगर परिसरातील नागरिकांनी कार्यक्रमाला उपस्थित राहण्याचे आवाहन करण्यात आले. विजयादशमीनिमित्ताने एल.के.फाउंडेशनतर्फे मेहरुण तलाव येथे रावण दहन कार्यक्रम सायंकाळी सहाला होणार आहे.

ग्रामविकास मंत्री गिरीश महाजन, पालकमंत्री गुलाबराव पाटील आदी मान्यवर यावेळी उपस्थित राहतील, अशी माहिती फाउंडेशनचे अध्यक्ष ललित कोल्हे यांनी दिली. मेहरुण तलाव येथे ५१ फुटी रावणाच्या प्रतिकृतीचे दहन करण्यात येईल.