Raver Lok Sabha Election: रावेरमध्ये वर्षानुवर्षे भाजपचे वर्चस्व राहिलेल्या या मतदारसंघात आमदार एकनाथ खडसेंची भूमिका महत्त्वपूर्ण ठरणार

Raver Lok Sabha Election: रावेर लोकसभा क्षेत्रात जळगावचे पाच तर बुलढाणा जिल्ह्यातील एक विधानसभेचा समावेश आहे. जामनेर येथे मंत्री गिरीश महाजन व भुसावळला संजय सावकारे हे भाजपचे आमदार आहेत. चोपड्याला लता सोनवणे (शिंदेगट), रावेरला शिरीष चौधरी (काँग्रेस) मुक्ताईनगरला चंद्रकांत पाटील (अपक्ष, शिंदे गटाला समर्थन) असे आमदार आहेत. वर्षानुवर्षे भाजपचे वर्चस्व राहिलेल्या या मतदारसंघात आमदार एकनाथ खडसेंची भूमिका महत्त्वपूर्ण ठरणार आहे.

२०१९चे चित्र

रक्षा खडसे (भाजप) विजयी मते : ६५५३८६

डॉ. उल्हास पाटील (काँग्रेस)मते : ३१९५०४

नितीन कांडेलकर (वंचित आघाडी) मते : ८८३६५

डॉ. योगेंद्र कोलते (बसप)मते : ९२१६

विजयी उमेदवाराचे मताधिक्य : ३३५८८२

वर्चस्व

२००४ : भाजप

२००९ : भाजप

२०१४ : भाजप

२०१९ : भाजप

सद्य:स्थिती

एकनाथ खडसेंच्या स्नुषा व विद्यमान भाजप खासदार रक्षा खडसेंनाच पुन्हा उमेदवारी

खडसेंमुळे रक्षा यांच्या उमेदवारीबद्दल भाजपचे पदाधिकारी नाराज

अपक्ष आमदार चंद्रकांत पाटील यांचीही रक्षा खडसेंच्या उमेदवारीवर नाराजी

‘मविआ’च्या वाटपात जागा पवार गटाकडे

राष्ट्रवादीचा उमेदवार अद्याप निश्‍चित नाही

भाजपकडून सुनेला उमेदवारी मिळाल्याने एकनाथ खडसेंच्या भूमिकेकडे लक्ष

हे प्रभावी मुद्दे

अनेक वर्षांपासून रखडलेली बोदवड उपसा सिंचन योजना

प्रस्तावित तापी नदीवरील मेगा रिचार्ज स्कीम

केळी फळपीक विम्यापासून शेतकरी वंचित

केळीवरील प्रक्रिया उद्योगांना चालना, प्रोत्साहन देण्याची गरज