Corona Updates | नव्या बाधितांपेक्षा बरे होणारे अधिक

जळगाव : जिल्ह्यात कोरोना बाधितांची संख्या वाढत असली तरी त्यासोबत बरे होणाऱ्यांचा आकडाही वाढत असल्याने सक्रिय रुग्णसंख्या कमी-जास्त होत आहे. गुरुवारी प्राप्त अहवालानुसार जिल्ह्यात नवे ५ रुग्ण आढळून आलेत, तर दिवसभरात २५ रुग्ण कोरोनामुक्त झाले. त्यामुळे सक्रिय रुग्णांची संख्या कालच्या शंभरी पार आकड्यावरुन खाली येऊन ८२ वर पोचली आहे. सध्या जिल्ह्यात ८२ सक्रिय रुग्ण असले तरी त्यापैकी ७१ रुग्णांमध्ये लक्षणे नसून ते गृह विलगीकरणात उपचार घेत आहेत. एकमेव रुग्ण आयसीयूत असून ९ रुग्ण कोविड सेंटरमध्ये उपचाराधीन आहेत.