किरकोळ कारणावरून विरावलीत दंगल | Sakal
sakal

बोलून बातमी शोधा

दंगलीतील जखमी तरुण.

किरकोळ कारणावरून विरावलीत दंगल

यावल - तालुक्यातील विरावली येथे शेतातील किरकोळ कारणावरून दोन गटात दंगल झाली. यात परस्परविरोधी गटातील दहा जणांविरुद्ध दंगलीसह विविध कलमान्वये गुन्हा दाखल करण्यात आला आहे. यात तीन ते चार जण जखमी झाले आहेत. विरावली (ता. यावल) येथे रविवारी (ता. १७) दुपारी दोन गटात शेतातील किरकोळ कारणावरून दंगल घडली. त्यात लिलाबाई पाटील यांच्या फिर्यादीनुसार त्या शेतातील वाड्यात असताना गावातील किशोर निळे याने त्यांच्या चाऱ्याच्या कुट्टीवरून ट्रॅक्टर नेले. याविषयी त्यांनी विचारले असता त्याने त्यांना जीवे मारण्याची धमकी दिली. यावर लिलाबाई यांचा मुलगा प्रतिक पाटील व प्रमोद पाटील यांनी किशोर निळे यास जाब विचारला असता त्याने व चेतन सुनील धनगर, हेमंत किशोर धनगर, सुनील आत्माराम धनगर, आत्माराम दोधू धनगर अशा पाच जणांनी लिलाबाईंसह त्यांच्या दोघा मुलांना शिवीगाळ करून मारहाण केली म्हणून पाच जणांविरुद्ध दंगलीसह विविध कलमान्वये गुन्हा दाखल करण्यात आला आहे. तर दुसऱ्या गुन्ह्यात वरील कारणावरून फिर्यादी चेतन सुनील निळे यास विरावली गावातील संशयित पिंटू गणेश पाटील, प्रमोद गणेश पाटील, विनोद हिरामण पाटील, विक्रम हिरामण पाटील, भैय्या भागवत पाटील या पाच जणांनी मारहाण केली. यामध्ये त्याच्या डोक्याला जबर दुखापत झाली असून या पाच जणांविरुद्ध दंगलीसह विविध कलमान्वये गुन्हा दाखल करण्यात आला आहे. पुढील तपास हवालदार संजय देवरे, किशोर परदेशी हे करीत आहेत.

Web Title: Riot In Viravali For Trivial Reasons

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top