जळगाव : अंजनसोंडे शिवारात ऊसाला भीषण आग

वरणगाव (जि. जळगाव) : येथून जवळच असलेल्या अंजनसोंडे शिवारातील शेतातील ऊसाला आग लागून सुमारे १ लाख १० हजारांचे नुकसान झाले. याप्रकरणी वरणगाव पोलिस ठाण्यात संशयिताविरुद्ध गुन्हा दाखल झाला आहे. (Sugarcane fire in Anjansonde area case filed against suspect Jalgaon crime News)

रूपाली प्रमोद पाटील (रा. अंजनसोंडे, ता. भुसावळ) यांच्या शेताच्या बाजूला शेतकरी कौशल संजीव शिंदे (रा. फुलगाव, ता. भुसावळ) याचे शेत आहे. कौशल शिंदे याने रविवारी (ता. ५) सकाळी अकराच्या सुमारास शेतातील बांधावर गवत पेटवून दिले. त्याच्या निष्काळजीमुळे रूपाली पाटील यांच्या शेतातील उसाला आग लागली. आगीत ऊस आणि ठिंबक नळ्या खाक झाल्या. याप्रकरणी रूपाली पाटील यांच्या फिर्यादीवरून कौशल शिंदे याच्याविरोधात गुन्हा दाखल केला आहे. पोलिस कर्मचारी मधुकर भालशंकर तपास करीत आहेत.