Temperature Rise : जळगावचे तापमान पुन्हा 43 अंशांवर

Jalgaon News : गेल्या आठवड्यात अवकाळी पाऊस झाल्याने तापमान ३० अंशांच्या आत होते. मात्र, सोमवार (ता. ८)पासून तापमान वाढण्यास सुरवात झाली आहे. मंगळवारी (ता. ९) तापमानाने चाळिशी पार करीत ४३.३ अंशांपर्यंत मजल मारली. (temperature increases again at 43 degrees jalgaon news)

मंगळवारी सकाळपासूनच उन्हाचे चटके जाणवत होते. दुपारी अधिक तापमान जाणवत असल्याने शहरातील अनेक ठिकाणचे रस्ते ओस पडले होते.

नागरिक डोक्याला रुमाल बांधून बाहेर पडत होते. उन्हापासून गारवा मिळण्यासाठी नागरिक उसाचा रस, आइस्क्रीम, इतर शीतपेयांचा आस्वाद घेताना दिसत होते. बाजारपेठेत दुपारी शुकशुकाट होता.

हेही वाचा : Credit Card फसवणूक....काय घ्याल काळजी?

ममुराबाद तापमान मापक केंद्रावर ४३.३ अंश तापमानाची नोंद करण्यात आली असली, तरी हवामान अभ्यासक नीलेश गोरे यांच्या नोंदीनुसार जळगावसह सर्व तालुक्यांचे तापमान ४५ अंश असल्याचे सांगण्यात आले.