Jalgaon : प्राणघातक हल्ल्यातील दोघांना अटक

जळगाव : शहरातील रामेश्वर कॉलनीतील तरुणावर चाकू हल्ला (knife attack) करून पसार झालेल्या योगेश कोळी, नीलेश राजपूत या दोघा हल्लेखोरांना (attackers) अटक करण्यात आली आहे. (Two arrested in fatal attack Jalgaon Crime News)

मेहरुण येथील अशोक किराणा समोरून दुचाकीने जात असताना शंकर सोनवणे (वय २६, रा. रामेश्वर कॉलनी) मित्र कुणाल इंगळे, रोहन घुले असे दुचाकीने १७ मे रोजी रात्री साडेअकरा वाजता जात असताना योगेश कोळी, नीलेश राजपूत यांच्यासह दोन साथीदार अशा चौघांनी दुचाकीवरील रोहन घुले यास आवाज देत थांबवून मारहाण करून गंभीर जखमी केले होते. एमआयडीसी पोलिसांत गुन्हा दाखल झाल्यापासून प्रमुख संशयित फरार होते. निरीक्षक प्रताप शिकारे यांना हल्लेखोरांची गुप्त माहिती मिळाल्याने सहाय्यक फौजदार अतुल वंजारी, किशोर पाटील, मुकेश पाटील, नाना तायडे, चेतन सोनवणे अशांच्या पथकाने योगेश कोळी आणि नीलेश राजपूत अशा दोघांना अटक केली आहे.