Jalgaon Crime News : जळगाव शहरातून 2 दुचाकी लंपास

Jalgaon Crime News : शहरातील दाणा बाजारातून एक, तर पांडे चौकातील रुग्णालयाजवळून दुसरी, अशा दोन दुचाकी चोरट्यांनी चोरून नेल्या. धामणगाव येथील योगराज लक्ष्मण सपकाळे (वय ३९) शुक्रवारी (ता. ६) शहरातील दाणा बाजारात आले होते. (two wheeler stolen from Jalgaon crime news)

त्यांनी दुचाकी (एमएच १९, बीसी ८००५) फुले मार्केटच्या लोखंडी गेटजवळ उभी केली होती. अर्धा तासात काम आटोपून परतल्यावर त्यांची दुचाकी चोरट्यांनी लंपास केली. याबाबत शहर पोलिस ठाण्यात गुन्हा दाखल झाला आहे.

पोलिस नाईक राजकुमार चव्हाण तपास करीत आहे. दुसऱ्या घटनेत महाबळ कॉलनीतील रहिवासी लिलाधन गरबड कुरकुरे (वय ६२) सकाळी दहाला दुचाकी (एमएच १९, एक्यू १३२२) ने पांडे चौकातील मॅटर्निटी हॉस्पिटलजवळ आले होते.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

दवाखान्याबाहेर उभी असलेली त्यांची दुचाकी चोरट्याने चोरून नेली. याबाबत कुरकुरे यांनी दिलेल्या तक्रारीवरून एमआयडीसी पोलिस ठाण्यात गुन्हा दाखल झाला आहे. पोलिस नाईक विकास सातदिवे तपास करीत आहे.