Jalgaon Crime News : व्यवसायात तोटा झाल्याने पत्नीचा छळ

Jalgaon Crime News : शहरातील गणपतीनगरातील माहेर असलेल्या ३३ वर्षीय विवाहितेला तीन वर्षांच्या मुलासह पती व सासरच्या मंडळींनी घरातून हकलून लावत अकोला-जळगाव गाडीत बसवून माहेरी रवाना केले. (wife torture by husband due to business loss jalgaon news)

व्यवसायात तोटा झाल्याने पतीला सासरच्या मंडळींनी पैसे न दिल्याने विवाहितेला सासरच्या मंडळीकडून त्रास दिला जात असल्याप्रकरणी रामानंदनगर पोलिसांत गुन्हा दाखल करण्यात आला आहे.

गणपतीनगर येथे सेानम सागर जयसिंगानीया (वय ३३) या गेल्या काही दिवसांपासून माहेरी भावाकडे वास्तव्यास आहेत. त्यांचे १२ मे २०१९ रोजी अमरावती येथील सागर शंकरलाल सिंघानिया यांच्या सोबत दुसरे लग्न झाले असून सामाजिक रितीरीवाजानुसार माहेरच्या मंडळींनी हुंडा म्हणून एक ॲक्टिव्हा स्कुटी, १५ तोळे सोनं दिले होते.

लग्नानंतर साधारण तीन वर्षे चांगली वागणूक दिली. मात्र पतीला हार्डवेअर व्यवसायात तोटा झाल्यानंतर माझ्या माहेरच्या मंडळींनी पतीला व्यवसायाकरिता लागणारे पैसे द्यावेत.

यासाठी पतीसह सासू सासऱ्यांनी छळ करून मारहाण केल्यावर अमरावती पोलिसात तक्रार देऊनही त्यांच्यात सुधारणा न होता पती व सासरच्या मंडळीनी ७ एप्रिल २०२३ रेाजी जळगाव जाणाऱ्या गाडीत बसवून माहेरीपाठवून दिल्याची तक्रार पीडित विवाहितेने दिल्यावरून पती सागर, सासरे शंकरलाल, सासू किरण, दिर भरत अशांविरुद्ध रामानंदनगर पोलिस ठाण्यात गुन्ह्याची नोंद करण्यात आली आहे.