नोकरी करुन त्याला बांधायचे होते घर...सर्पदंशाने घातला स्वप्नांवर घाला

सुट्टी असल्याने तो गावी आलेला होता.
Snake bite death
Snake bite deathesakal

लोहारा (ता. पाचोरा) : येथील तरुणाचा सर्पदंशाने मृत्यू झाल्याची घटना गुरुवारी (ता. ११) सकाळी सातच्या सुमारास घडली. नीलेश सुधीर पाटील (वय २५) असे मृत तरुणाचे नाव आहे. (Latest Marathi News)

Snake bite death
लाच घेताना महापालिका कर्मचारी जाळ्यात

नीलेश हा सकाळी शेतात जनावरांना वैरण टाकण्यासाठी गेला होता. मात्र वैराणाखाली असलेल्या विषारी सर्पाने दंश केला. त्या दरम्यान त्याला चक्कर यायला लागले. त्याच अवस्थेत तो घरी चालत आला. कुटुंबीयांनी त्याला तातडीने प्राथमिक आरोग्य केंद्रात नेले. तेथून नीलेशची प्रकृती अत्यवस्थ असल्याने त्याला पुढील उपचारासाठी जळगाव येथे नेण्यास सांगितले. जळगाव जात असताना रस्त्यातच नीलेशची प्राणजोत मावळली. जिल्हा रुग्णालयातील डॉक्टरांनी नीलेशला तपासणीअंती मृत घोषित केले. शवविच्छेदन करून मृतदेहाला लोहारा येथे आणून अंत्यसंस्कार करण्यात आले.

Snake bite death
दिल्लीत काडतुसे, कोलकात्यात अनधिकृत ड्रोन; केंद्रीय यंत्रणा 'हायअलर्ट'वर

नीलेशने जळगाव येथे डी.फार्मची पदवी घेतली होती. तो गोवा येथे नोकरीसाठी गेला होता. सुट्टी असल्याने तो गावी आलेला होता. नोकरी करून घर बांधेल, असे तो घरच्यांना सांगत होता. असे वडील टाहो फोडत सांगत होते. खूप मोठी स्वप्ने बघितली होती. नीलेशच्या जाण्याने सर्व धुळीस मिळाली. नीलेश हा शांत व मनमिळाऊ स्वभावाचा होता. त्याने सर्वांची मन जिंकून घेतली होती. परंतु नियतीला ते मान्य नव्हते. घरची परिस्थिती अत्यंत गरिबीची असून, त्याच्या जाण्याने परिसरात हळहळ व्यक्त होत आहे. नीलेशच्या पश्चात आई, वडील, भाऊ असा परिवार आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com