Jalgaon Crime News : Bitcoinच्या आमीषाने तरुणाची फसवणूक

Jalgaon News : ऑनलाईन करन्सी बीटक्वाईनमध्ये केलेल्या गुंतवणुकीला दोन तासांत डबल करून देण्याचे आमिष दाखवून रिंग रोडवरील तरुणाची ९१ हजार ४०० रुपयांत फसवणूक करण्यात आली.याप्रकरणी जिल्‍हापेठ पोलिसांत गुन्ह्याची नोंद करण्यात आली आहे.

जळगाव शहरातील रिंग रोडवर हर्ष घनश्याम अडवाणी (वय २४) हा तरुण कुटुंबीयांसह वास्तव्यास आहे. वर्क फ्रॉम होम पद्धतीने ऑनलाईन कंपनीत कामाला आहे. (Youth cheated with lure of Bitcoin Jalgaon Crime News)

रविवारी (ता. ४) त्याच्या इस्टाग्राम अकाउंटवर बीटक्वाईनच्या गुंतवणुकीतून दुप्पट नफा मिळवून देण्याचे आमिष देणारी पोस्ट दिसली. तत्काळ त्याने चॅटींगच्या माध्यमातून संपर्क केल्यावर त्याला सुरवातीला २० हजार गुंतवणूक करण्याचे आमिष देण्यात आले.

२० हजार गुंतवणूक केल्यावर, कंपनीची विविध चार्जेस आणि फीच्या नावे पैसे उकळण्यात आले. तुमचे पैसे डबल झाले आहेत.

मात्र, इंटरनेट प्रॉब्लेममुळे ते खात्यात दिसत नसल्याचे सांगण्यात आले. तब्बल ९१ हजार ४०० रुपयांत ऑनलाईन फसवणूक झाल्याचे निदर्शनास आले. याबाबत हर्ष अडवाणी याने दिलेल्या फिर्यादीवरून जिल्‍हापेठ पोलिस ठाण्यात गुन्हा दाखल झाला आहे.

हेही वाचा : Credit Card फसवणूक....काय घ्याल काळजी?