#WednesdayMotivation : स्नेहवन संस्थेत कंटेनरमध्ये साकारलेय ग्रंथालय

आळंदी - औद्योगिक भागात; तसेच एखाद्या बांधकामाच्या साइटवर कंटेनर अनेकदा आपण पाहतो. अशा कंटेनरमध्ये वाचनालय ही कल्पनाच आपण करू शकत नाही. मात्र कंटेनरमध्ये वाचनालय उभारण्याची किमया केली आहे आळंदीजवळील कोयाळी गावात ‘स्नेहवन’ या सामाजिक संस्थेने. संस्थेद्वारे संगोपन होत असलेल्या मुलांसाठी हे ‘कंटेनरमधील ग्रंथालय’ खुले केल्याची माहिती ‘स्नेहवन’चे संस्थापक अशोक देशमाने यांनी दिली.

ताज्या बातम्यांसाठी डाऊनलोड करा ई-सकाळचे ऍप

आळंदीपासून दहा ते अकरा किलोमीटरवरील कोयाळी गावात स्नेहवन संस्था आहे. विदर्भ, मराठवाड्यातील आत्महत्याग्रस्त शेतकऱ्यांची; तसेच दुष्काळी भागातील शेतकऱ्यांची ५० मुले या संस्थेत आहेत. त्यांचे शिक्षण, निवास, भोजनाचा खर्च संस्थेमार्फत केला जातो. याशिवाय परिसरातील ३० मुलींना संस्थेने शिक्षणासाठी दत्तक घेतले आहे.

...ते मुलीसाठी झिजवताहेत दवाखान्याच्या पायऱ्या

अकरावीपर्यंतची मुले या संस्थेत असून, त्यांना शिक्षणात वेगळेपणा वाटावा आणि वाचनाची आवड निर्माण व्हावी, यासाठी संस्थेच्या वतीने ग्रंथालय उभारण्यात आले 
आहे. अमेरिकेतील ‘बुकवाला’ संस्थेच्या मुख्य कार्यकारी अधिकारी सीना जेकब यांनी संस्थेच्या माध्यमातून इंग्रजीतील विविध पुस्तके या ग्रंथालयासाठी भेट दिली आहेत. कंटेनरमधील ग्रंथालय हा प्रयोग देशात प्रथमच राबविला असल्याचे श्री. देशमाने यांनी सांगितले.