चिपळूणः मुंबई - गोवा महामार्गावरील कापसाळ येथे गुरुवारी रात्री ८.३० वाजण्याच्या सुमारास गुटखा वाहतूक करणारी मोटार येथील पोलिसांनी पकडली. या कारवाईत तब्बल १६ लाख ९४ हजार रुपयांचा गुटखा तर ७ लाख रुपयांची मोटार असा २३ लाख ९४ हजार रुपयांचा मुद्देमाल पकडला आहे. याप्रकरणी सज्जन रामचंद्र नेवगी (वय ३५, रा. इन्सुली, सावंतवाडी) असे गुन्हा दाखल झालेल्या चालकाचे नाव आहे.
काही वर्षांपासून चिपळूण शहरातील टपरींवर सर्रास गुटखा विकला जात असल्याची सातत्याने ओरड होत आहे; मात्र अन्न औषध प्रशासन त्याकडे सोयीस्कर दुर्लक्ष करीत असल्याची चिपळूणवासीयांमधून जोरदार चर्चा सुरू आहे. गुरुवारी रात्री सिंधुदुर्ग जिल्ह्यातील गुटखा भरून मोटार चिपळुणात येत असल्याची माहिती पोलिसांना मिळाली होती. त्यानुसार पोलिसांनी कापसाळ येथे सापळा रचत संशयास्पद मोटार तपासणीसाठी थांबवली. तपासणी केली असता त्यात गुटखा असल्याचे निदर्शनास आले. पोलिसांनी ही मोटार पोलिस ठाण्यात आणली.
पंचनाम्याअंती या मोटारीत सुमारे १६ लाख ९४ हजार रुपयांचा गुटखा आढळला. मोटारीची किंमत सात लाख रुपये असून एकूण २३ लाख ९४ हजार रुपयांचा मुद्देमाल पोलिसांनी जप्त केला आहे. याप्रकरणी सज्जन रामचंद्र नेवगी (वय ३५, रा. इन्सुली, सावंतवाडी) असे गुन्हा दाखल झालेल्या चालकाचे नाव आहे. गुटखा वाहतूक करणाऱ्या चालकाला न्यायालयाने दोन दिवसांची पोलिस कोठडी सुनावली आहे. हा गुटखा कोणत्या व्यावसायिकाला देणार होता, याचा तपास लावण्याची मागणी केली जात आहे.
ही कारवाई पोलिस उपनिरीक्षक हर्षद हिंगे, गुन्हे प्रकटीकरण शाखेचे पोलिस हवालदार वृषाल शेटकर, हवालदार संदीप मानके, पोलिस नाईक रोशन पवार यांच्या पथकाने केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
