हर्णै : गेले चार ते पाच दिवस सततच्या बिघडलेल्या वादळसदृश वातावरणामुळे आणि हवामान विभागाने दिलेल्या इशाऱ्यामुळे मच्छीमार बांधव धास्तावले आहेत. त्यांनी जयगड, दाभोळ व आंजर्ले खाडीचा आश्रय घेतला आहे. या तिन्ही ठिकाणी पाचशेहून अधिक नौका आल्या आहेत. सध्या बंपर मासळी मिळायला लागली होती. त्यातच हवामान खराब झाल्याने मच्छीमारांचे मोठे नुकसान होणार आहे.
सध्या केवळ हर्णै बंदरातील हजारो नौकांपैकी सहा आणि दोन सिलिंडरच्या ५० टक्के नौका मासेमारीकरिता बाहेर पडल्या आहेत. परंतु सुरुवातीपासूनच मासळीची आवकच कमी झाली होती. सर्व खर्च अंगावरच पडत होता.
आता काही दिवसांपूर्वीच म्हाकूळ, पापलेट, सुरमई अशा प्रकारची मासळी मोठ्या प्रमाणात मिळायला सुरुवात झाली होती; पण येणाऱ्या मालाला व्यवस्थित दर मिळत नव्हता, असे येथील मच्छीमारांनी सांगितले. त्यात गेले दोन दिवस तर सायंकाळी मुसळधार पाऊस आणि जोरदार वारेही वाहू लागले आहेत. त्यामुळे मच्छीमार धास्तावले आहेत.
वादळसदृश स्थिती निर्माण झाल्याने मच्छीमारांनी आपल्या नौका जयगड, आंजर्ले आणि दाभोळ खाडीत आणल्या आहेत. ज्या ठिकाणी मच्छीमार मासेमारी करत होते तिथे वातावरण बिघडल्याने जवळपासच्या खाडीचा आश्रय मच्छीमारांनी घेतला आहे. अजून तीन ते चार दिवस हीच स्थिती राहण्याचा अंदाज हवामान विभागाने वर्तवला आहे. त्यामुळे ही स्थिती निवळल्याशिवाय पुन्हा मच्छीमार समुद्रात मासेमारीला जाणार नाहीत, असे येथील मच्छीमारांनी सांगितले.
नौका परत - जयगड खाडी- १५० , दाभोळ खाडी- ५० , आंजर्ले खाडी- ३००
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
