अमेरिकन दुतावासाने या प्रकरणाची गंभीर दखल घेतल्याने पोलिसांनी तपासाची चक्रे वेगाने फिरविली आहेत.
बांदा (सिंधुदुर्ग) : रोणापाल येथील जंगलात (Ronapal Forest) लोखंडी साखळीने बांधलेल्या स्थितीत आढळलेल्या त्या अमेरिकन महिलेच्या (American Woman) सुरुवातीच्या जबाबावरून तिच्या पतीविरोधात सोमवारी रात्री उशिरा बांदा पोलिस ठाण्यात (Banda Police Station) गुन्हा दाखल करण्यात आला.
सदर प्रकरणी तिच्या पतीविरोधात गुन्हा दाखल झाल्याने पतीला ताब्यात घेण्याचे मोठे आव्हान आता पोलिसांसमोर आहे. सिंधुदुर्ग पोलिसांची (Sindhudurg Police) दोन पथके तिच्या तामिळनाडू येथील मूळ पत्त्यावर तपासकामी गेली असून तेथील तपासानंतर सत्यता समोर येणार आहे. तर, पतीला ताब्यात घेतल्यावर त्या महिलेला कधी व कशी बांधण्यात आली हे उलगडणार आहे.
अमेरिकन दुतावासाने या प्रकरणाची गंभीर दखल घेतल्याने पोलिसांनी तपासाची चक्रे वेगाने फिरविली आहेत. पोलीस व स्थानिक गुन्हे अन्वेषण विभागाची संयुक्त पथके अधिक तपासासाठी गोवा व तामिळनाडू येथे गेली आहेत. तामिळनाडू येथे तपासासाठी गेलेल्या पथकाला काही महत्त्वाचे धागेदोरे सापडल्याने बांदा पोलिसात सोमवारी रात्री उशिरा मुख्य संशयिताविरोधात गुन्हा दखल करण्यात आला आहे. पोलीस गुप्त पद्धतीने या प्रकरणाचा तपास करत असून अधिक माहिती देण्यास पोलिसांनी नकार दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
