रसायनी (रायगड) - मोहोपाडा येथील मच्छीमार्केटची दुरावस्था

रसायनी (रायगड) - गाळ्यांतील तुटलेल्या लाद्या, कमकुवत झालेले भिंतीचे प्लास्टर, बांधकामाला गेलेले तडे, आशा प्रकारे रसायनी पाताळगंगाचे मुख्यालय वासांबे मोहोपाडा येथील मच्छीमार्केटची दुरावस्था झाली होती. डागडुजी करण्यात यावी आशी मागणी होती. विक्रेत्याच्या या मागणीची दख्खल ग्रामपंचायतीचे सदस्य आणि माजी सरपंच संदीप मुंढे यांनी घेतली आहे. दरम्यान नुतनीकरणाच्या कामाचा शुभारंभ झाला. असल्याने विक्रेत्यांनी समाधान व्यक्त केले आहे. 

यावेळी उदघाटन प्रसंगी झालेल्या कार्यक्रमाला रायगड जिल्हा परिषद महिला व बालकल्याण सभापति उमाताई मुंढे, खालापुर तालुका पंचायत समिति सभापति कांचन पारंगे, सदस्या वृषाली पाटील, सरपंच ताई पवार, उपसरपंच दत्तात्रेय शिंदे, ग्रामविकास अधिकारी भास्कर पालकर, माजी सरपंच संदीप मुढे, कृष्णा पारंगे व सचिन तांडेल, चांभार्लीचे उपसरपंच दत्तात्रेय जांभळे आदि उपस्थित होते. उमाताई मुंढे यांनी जिल्हा परिषद योजनेतुन या कामाला निधी उपलब्ध करून दिला आहे, तर डागडुजीच्या कामाला सुरवात झाली असल्याने विक्रेत्यांनी समाधान व्यक्त केले आहे. 

रायगड जिल्ह्यात एक उत्कृष्ट मच्छीमार्केट म्हणुन ओळखले जाईल, त्यासाठी आता आधुनिक पध्तीचे बांधकाम करण्यात येणार आहे. 
- संदीप मुंढे, सदस्य व माजी सरपंच, वासांबे मोहोपाडा, ग्रामपंचायत