चिपळूण : कोरोना रुग्णांकरिता राज्य सरकारने सिटी स्कॅनच्या दरांवर नियंत्रण आणले आहे. सिटी स्कॅनसाठी दोन ते तीन हजार रुपयांहून अधिक शुल्क आकारता येणार नाही, असे आदेश जारी करण्यात आले आहेत, तरीही चिपळुणातील काही खासगी डॉक्टर सिटी स्कॅनसाठी चार ते सात हजार रुपये शुल्क घेत आहेत. यामुळे रुग्ण, नातेवाईक हतबल झाले आहेत. गेल्या काही दिवसांपासून कोरोना संक्रमणाचा वेग वाढला आहे.
हेही वाचा - क्षणिक रागातून दगडाने ठेचून केला युवतीचा खून
रोज शंभरहून अधिक रुग्ण कोरोनाबाधित आढळत आहेत. यातील बहुतेक रुग्णांना छातीतील संसर्ग व न्युमोनियासाठी सिटी स्कॅन करण्याचा सल्ला डॉक्टरांकडून देण्यात येतो. सिटी स्कॅनसाठी रुग्णांना किमान साडेतीन ते सात हजार रुपये मोजावे लागतात. चिपळूण शहरातील खासगी रुग्णालयामध्ये अनधिकृतपणे कोरोनाबाधित रुग्णांवर उपचार केले जात आहेत. काही रुग्णालयांमध्ये अनधिकृतपणे चाचण्याही सुरू आहेत.
पूर्वी केवळ ब्लड, युरीन चाचणी घेणाऱ्या लॅबमध्ये आता विविध प्रकारच्या चाचण्या सुरू झाल्या आहेत. विविध प्रकारच्या चाचण्या करणाऱ्या रुग्णांकडून भरमसाट शुल्क आकारले जाते. हा ‘कट प्रॅक्टिस’चा प्रकार तर नाही ना, अशी शंका व्यक्त केली जात आहे. सिटी स्कॅनसाठी चार ते सात हजार रुपये खर्च करावे लागतात. रुग्ण आणि त्यांचे नातेवाईक तक्रार करीत नाहीत. याचा फायदा घेत डॉक्टर आणि डायग्नोस्टिक सेंटर चालकांकडून रुग्ण आणि त्यांच्या नातेवाइकांची लूट सुरू आहे.
हेही वाचा - मातांच्या बॅंक खात्यात ८ कोटी १६ लाख जमा !
असे आहेत शासकीय दर
- १६ स्लाइस सिटी स्कॅन : २ हजार रुपये
- १६ ते ६४ सिटी स्कॅन : दोन हजार ५०० रुपये
- ६४ स्लाइससाठी सिटी स्कॅन : तीन हजार रुपये
संपादन - स्नेहल कदम
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.