दाभोळ (रत्नागिरी) : रत्नागिरी जिल्ह्यातील दापोली एसटी आगारातील चालक अशोक वनवे हे आज चक्क हातात बांगड्या भरून ड्युटीवर हजर झाले. आज दुपारी ३ वाजता सुटणाऱ्या दापोली-ठाणे या शिवशाही बसवर त्यांची ड्युटी होती शिवशाही बस प्रवाशांसह घेऊन ते ठाण्याकडे मार्गस्थ झाले, मात्र हा प्रकार दापोली बस स्थानकात चर्चेचा विषय ठरला .
चालक अशोक वनवे हे मुळचे बीड येथील असून ते नोकरीनिमित्त दापोलीत वास्तव्यास आहे. राज्यात एसटी कर्मचाऱ्यांचे आंदोलन सुरू आहे. एसटी कर्मचाऱ्यांचे शासकीय सेवेत विलनीकरण करा अशी या कर्मचाऱ्यांची मुख्य मागणी आहे. यासाठी राज्यभर हे आंदोलन सुरू आहे तुर्तास कोकणात एसटी सेवा सुरळीत आहे मात्र आता दापोली या प्रकारामुळे दापोलीत आंदोलनाची ठिणगी पडण्याची शक्यता आहे.
दापोली एसटी आगारातील
चालक अशोक वनवे यांनी सांगितले की,आपल्या पत्नीने कामावर जाऊ नका, गेलात तर हातात बांगड्या भरून जा असे सांगितले कामावर न आल्यास मेमो मिळेल ही भिती होती.आमचे एसटीचे कर्मचारी आत्महत्या करत आहेत त्यामुळे यंदा आमच्या कुटुंबाने दिवाळी साजरी केली नाही अवघ्या १३ हजार रुपये पगारात घर कसे चालवायचे हा प्रश्न आमच्या समोर आहे. एसटीचे कर्मचारी आत्महत्या करत आहेत त्यामुळे शासनाने तात्काळ सकारात्मक निर्णय घ्यावा असे वनवे म्हणाले. आमच्या मागण्याना आता आश्वासने नकोत तर आमचे दुःख समजुन घेऊन सकारात्मक निर्णय शासनाने घ्यावा अशी प्रतिक्रिया त्यानी व्यक्त केली आहे.
यावेळी प्रवासी डॉ. प्रसाद करमरकर यांनीही एसटी कर्मचार्यांची ड्युटी ही जोखमीची व त्रासदायक असते व ती ते चोखपणे पार पाडतात त्यामुळे एसटी कर्मचारी यांच्या मागण्या शासनाने मान्य करून त्यांना दिलासा द्यावा अशी प्रतिक्रिया व्यक्त केली आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
