Konkan Nilesh Rane
Konkan Nilesh Raneesakal

Konkan Politics : सर्वस्व पणाला लावून भाजपसाठी काम करा; माजी खासदार नीलेश राणेंचं कार्यकर्त्यांना आवाहन

आगामी निवडणुका लक्षात घेऊन आपल्याला झोकून देऊन काम करावे लागणार आहे.
Summary

सगळ्यांनी आपले सर्वस्व पणाला लावून भविष्यात पक्षासाठी काम करावयाचे आहे.

राजापूर : संपूर्ण कोकणात (Konkan) आपल्याला भाजप पक्ष संघटना अधिक मजबूत करावयाची आहे. त्यासाठी नव्या जोमाने मैदानात आपण उतरलो असून सगळ्यांनी आपले सर्वस्व पणाला लावून भविष्यात पक्षासाठी काम करावयाचे आहे, असा कानमंत्र भाजपाचे (BJP) नेते माजी खासदार नीलेश राणे (Nilesh Rane) यांनी उपस्थित पदाधिकारी व कार्यकर्त्यांना दिला.

सिंधुदुर्गकडून रत्नागिरीकडे आगमन होताना राजापुरात महामार्गावर हातिवले येथील टोलनाक्यावर व त्यानंतर पुढे राजापूर शहरात जकातनाक्यावर नीलेश राणे यांचे राजापूर तालुका भाजपा पदाधिकारी व कार्यकर्त्यांनी स्वागत केले. हातिवले येथे ढोलताशांच्या गजरात स्वागत झाले. राजापूर दक्षिण मंडळचे तालुकाध्यक्ष सुरेश गुरव, पूर्व मंडळ तालुकाध्यक्ष भास्कर सुतार यांसह पदाधिकाऱ्यांनी राणे यांचे स्वागत केले.

Konkan Nilesh Rane
Karnataka Politics : काँग्रेस हायकमांडनं 'हा' विषय घेतला गांभीर्यानं, सुरजेवालांनी थेट आमदार, मंत्र्यांनाच धरलं धारेवर

राणे म्हणाले, आपण सर्वांनी केलेल्या स्वागताने भारावलो आहे. रत्नागिरीत नियमित आलो. कधी खूप दिवसांनी आलो तरी स्वागतात कोणतीही कमतरता कधी राहिली नाही. हे प्रेम आणि आशीर्वाद कायम असेच राहूद्या. कोकणात भाजपा पक्ष संघटन अधिक बळकट करावयाचे आहे.

Konkan Nilesh Rane
कर्नाटक पोलिसांची मुजोरी सुरूच! संयुक्त महाराष्ट्राच्या घोषणा दिल्या म्हणून म. ए. समितीच्या 18 जणांविरुद्ध गुन्हा दाखल

आगामी निवडणुका लक्षात घेता यासाठी आता आपल्या प्रत्येकाला झोकून देऊन काम करावे लागणार आहेत, हे लक्षात घ्या आणि पक्षाचे काम करा, असेही त्यांनी सांगितले. या वेळी भाजपा जिल्हा सरचिटणीस रवींद्र नागरेकर, विधानसभा निवडणूक प्रमुख उल्का विश्वासराव, जिल्हा उपाध्यक्ष अभिजित गुरव, ओबीसी सेलचे प्रदेश सचिव अनिलकुमार करंगुटकर आदी उपस्थित होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com