Konkan Houseboat : रायगड-रत्नागिरीच्या खाडीत उभी राहिली भंगार बोटीची शोकांतिका! 1 कोटींची 'हाउसबोट' अखेरच्या मोजतेय घटका; MTDC च्या 'त्या' एका अटीने पैसे पाण्यात..

मंडणगड (रत्नागिरी) : कोकणातील जलपर्यटनाला चालना देण्यासाठी महाराष्ट्र पर्यटन विकास महामंडळाने कोट्यवधी रुपये खर्चून आखलेली हाउसबोट संकल्पना अपयशी ठरली (MTDC houseboat abandoned at Vesvi Port) आहे. मंडणगड तालुक्यातील वेसवी बंदरात जलपर्यटनासाठी २०१६-१७ मध्ये १ कोटी रुपये खर्च करून आणलेली अत्याधुनिक हाउसबोट प्रशासकीय अनास्थेमुळे बागमांडला (जि. रायगड) खाडीत सडत पडली आहे. ठेकेदारच न मिळाल्याने शासनाचा १ कोटीचा विकासनिधी पाण्यात गेला आहे.