Konkan Rain Forecast : कोकणात पुन्हा पाऊस, कसे असेल पुढच्या चार दिवसांचे वातावरण

Weather Rain : सिंधुदुर्ग जिल्ह्याच्या काही भागांत विजांच्या गडगडाटांसह आज सायंकाळी पावसाच्या जोरदार सरी बरसल्या. त्यामुळे जिल्ह्यात पाऊस कायम असून, सतत पडत असलेल्या पावसामुळे भातपीक कापणी रखडली आहे.

जिल्ह्यात पाऊस थांबण्याची कोणतीही चिन्हे नाहीत. काही भागांत मंगळवारी (ता.७) सायंकाळी बरसल्यानंतर आज सकाळपासून पावसाने उघडीप दिली होती. काही भागांत कडक उन्हदेखील होते; परंतु सायंकाळी चारच्या सुमारास सावंतवाडी तालुक्यात विजांचा गडगडाट सुरू झाला. त्यानंतर सावंतवाडी, दोडामार्ग परिसरात जोरदार पावसाला सुरुवात झाली. या भागात वीस मिनिटांपेक्षा अधिक पाऊस झाला.