Vidhan Sabha 2019 : महाडमधून आघाडीचे उमेदवार माणिक जगतापांचा अर्ज

Vidhan Sabha 2019 : महाडमधून आघाडीचे उमेदवार माणिक जगतापांचा अर्ज

महाड : विधानसभा निवडणुकीच्या पार्श्वभूमीवर सर्वत्र जिल्ह्यात उमेदवारांनी आपले अर्ज आज (गुरुवार) दाखल केले. 2004 मध्ये राष्ट्रवादी काँग्रेस पक्षाकडून निवडून आलेले माणिक जगताप यांनी आपला उमेदवारी अर्ज निवडणूक अधिकारी प्रांताधिकारी विठ्ठल इनामदार यांच्याकडे दाखल केला.

महाड १९४ विधानसभा मतदारसंघातून महाड माणगाव पोलादपूर मतदारसंघासाठी महाडमध्ये काँग्रेस-राष्ट्र्रवादी, शेकाप, महाआघाडी आघाडीतर्फे माणिक जगताप यांनी आपला उमेदवारी अर्ज दाखल केला. ही निवडणूक रायगड जिल्ह्यात प्रतिष्ठेची समजली जात असल्याने शिवसेनेचे उमेदवार भरत गोगावले यांच्याकडून मोठ्या प्रमाणावर शक्‍तिप्रदर्शन करण्‍यात आले होते. काँग्रेस राष्ट्रवादीचे उमेदवार माणिक जगताप यांनी ही आज सुमारे 13 हजार कार्यकर्त्यांसह शक्तिप्रदर्शन केले.

सळीवडी नाक ते शिवाजी महाराज चौक मार्गे मुख्‍य बाजारपेठेतून रॅली काढत शक्तिप्रदर्शन केले. यावेळी अपक्ष उमेदवार चंद्रकांत धोंडगे आणि आदिती तटकरे महाआघाडीकडून आणि विनोद घोसाळकर शिवसेना यांनी श्रीवर्धनमधून आज आपले उमेदवारी अर्ज दाखल केले. श्रीवर्धनमधून दोघांनीही शक्तिप्रदर्शन केले. संपूर्ण महाड शहरात आज कार्यकर्त्यांची मोठी गर्दी पाहायला मिळाली.

यावेळी माणिक जगताप यांच्यासह काँग्रेस-राष्ट्रवादी, शेकाप महाआघाडीचे पदाधि‍कारी, कार्यकर्ते मोठ्या संख्‍येने हजर होते. मात्र, हे शक्तिप्रदर्शन बघता या मतदारसंघात चुरशीची लढत होणार असल्याने संपूर्ण जिल्ह्याचे लक्ष या मतदारसंघावर आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com