रत्नागिरीत आणखी तिघांना कोरोनाची लागण

रत्नागिरी : जिल्ह्यात आज आणखी  3 जणांचे कोरोना अहवाल पॉझिटिव्ह आले आहेत. यामुळे जिल्ह्यात आता पॉझिटिव्ह रुग्णांची संख्या 364 वर पोहोचली आहे. तर कोरोनाने बळी गेलेल्यांची संख्या आता 14 झाली आहे. 

कोकणच्या बातम्या वाचण्यासाठी येथे क्लिक करा

3 जूनला मृत्यू झालेल्या कामथे येथील एकाचा अहवाल पॉझिटिव्ह आला असून कोरोनाचा विळखा दिवसेंदिवस घट्ट होत आहे. वाढत्या रुग्ण संख्येसोबत मृत्यूचे प्रमाण देखील वाढत आहे. काल सायंकाळपासून प्राप्त अहवालांमध्ये 3 अहवाल पॉझिटिव्ह आले तर 46 अहवाल निगेटिव्ह आले आहेत. तसेच 3 जूनला कामथे येथे मृत झालेल्या रुग्णाचा अहवाल यात प्राप्त झाल्याने मृत्यूची संख्या 14 झाली. प्राप्त इतर दोन पॉझिटिव्ह अहवालमध्ये रत्नागिरी 1 आणि संगमेश्वरमधील एका रुग्णाचा समावेश आहे.  

हे पण वाचा - राजन तेली यांनी केली शिवसेनेवर ही टीका

दरम्यान, आज 6 रुग्णांना घरी सोडण्यात आले. त्यामुळे एकूण
 पॉझिटिव्ह रुग्णांची 364 झाली आहे. बरे झालेल्या रुग्णांची संख्या 173 आणि मृतांची संख्या 14 झाली आहे. जिल्ह्यात एक्टीव्ह रुग्ण  177 आहेत.

हे पण वाचा -  सिंधुदुर्ग : निराधार अनुदान योजनेच्या नव्या समित्यांमध्ये यांचा समावेश