कोकणात पावसाचा जोर वाढला ; नातूनगर धरण भरले ७० टक्के ....

खेड (रत्नागिरी) : गेले चार दिवस सुरू असलेल्या मुसळधार पर्जन्यवृष्टीमुळे नातूनगर धरण ७० टक्के भरले असून,  ६ जुलै अखेरपर्यंत पाण्याची पातळी ८७.५५ मीटर झाली आहे. धरणात १९.३०४ द.ल.घ.मी. इतका पाणीसाठा असल्याची माहिती नातूनगर पाटबंधारे प्रकल्पाचे अभियंता गोविंद श्रीमंगले यांनी दिली. नातूनगर धरणा पाठोपाठ शिरवली, कोंडीवली, पिंपळवाडी धरणातही मुबलक पाणीसाठा झाला आहे.

हेही वाचा- कोकण मुंबई गोवा महामर्गावर झाड कोसळले  हा झाला रस्ता बंद.... -

नातूनगर धरण क्षेत्रात आतापर्यंत १११५ मि. मी. इतका पाऊस पडला असून सांडव्यावरून पाण्याचा विसर्ग ०.९७२ घ.मी सेकंद आहे. या धरणांतर्गत नातूनगर, बोरकर, उधळे, कळंबणी, भरणे, खेड आदी गावे समाविष्ट आहेत. खोपी - पिंपळवाडी धरणात ७० टक्के इतका पाणीसाठा आहे. धरण क्षेत्रात १४८८ मि.मी. इतका पाऊस पडला असून १८.८९५ द.ल.घ.मी. पाणीसाठा झाला आहे. पाण्याची पातळी १२५.८७ मीटर इतकी आहे.  सांडव्यावरून पाण्याचा विसर्ग १९.८० घ.मी सेकंद आहे. खोपी, कुळवंडी, खेड आदी गावे धरणात समाविष्ट आहेत.

हेही वाचा- कोकणात पावसाचा जोर वाढला : हा बंधारा गेला वाहून ; ग्रामस्थांच्या उरात भरली धडकी... -

शिरवली धरणक्षेत्रात आजपर्यंत पडलेल्या ११५८ मि.मी. पावसामुळे धरण पूर्ण क्षमतेने भरले आहे. सद्यस्थितीत ३.३७६ द.ल.घ.मी. इतका पाणीसाठा असून पाण्याची पातळी ३९.९० मीटर झाली आहे. सांडव्यावरून पाण्याचा  विसर्ग २१.५५४ घ.मी./ सेकंद आहे. या धोरणांतर्गत उधळे, भरणे, खेड आदी गावे समाविष्ट आहेत. कोंडीवली धरणही पूर्ण क्षमतेने भरले आहे. सद्यस्थितीत ३.३६७ द.ल.घ.मी. इतका पाणीसाठा आहे. धरणक्षेत्रात आजपर्यंत ९८९ मि.मी. इतका पाऊस पडला असून पाण्याची पातळी १२६.३० मीटर झाली आहे.