रत्नागिरी : सोमवारी प्राप्त झालेल्या अहवालानुसार जिल्ह्यात 62 नवीन कोरोना पॉझिटिव्ह रुग्ण आढळले आहेत. रत्नागिरी तालुक्यात सर्वाधिक 25 रुग्ण सापडल्याने खळबळ उडाली आहे. तर माळनाका, रत्नागिरी येथील डॉ. भिडे यांचे उपचारा दरम्यान निधन झाले आहे.
रत्नागिरी तालुक्यात 25, दापोली 11, कामथे 8,गुहागर 8, रायपाटण राजापूर 3 तर कळबणी,खेड येथे 7 रुग्ण सापडले आहेत. यामुळे जिल्ह्यातील एकूण पॉझिटिव्ह रुग्णांची संख्या 1 हजार 618 इतकी झाली आहे.
कोविड योद्धे, परजिल्ह्यातून आलेले यांच्या संपर्कात आलेल्यांना कोरोनाची बाधा होण्याचे प्रकार गेल्या काही दिवसांमध्ये पुढे येत आहेत. त्यामुळे दर दिवशी कोरोनाबाधितांचा आकडा वाढत आहे. रविवारीही नवीन रुग्णांच्या संख्येत भर पडली आहे. त्यामध्ये रत्नागिरी- ४, दापोली- ११, कामथे- २०, गुहागर- २ रुग्णांचा समावेश आहे.
प्रसिद्ध वैद्य डॉक्टरांचे निधन
रत्नागिरीतील प्रसिध्द वैद्य रत्नागिरी पालिकेमध्ये डॉक्टर म्हणून काम केलेले चुडामणी आणि ब्रीज खेळांचे खेळाडू प्रमोद उर्फ रघुवीर पांडुरंग भिडे (वय ७३)यांचे कोरोना मुळे निधन झाले आहे. गेले 4 दिवस त्यांची मृत्यूशी झुंज सुरू होती. आज पहाटे 2 वाजता त्याचे निधन झाले. रत्नागिरी येथील प्रसिद्ध वैद्य म्हणून ते गेल्या अनेक वर्षांपासून काम करीत होते. त्यांच्या पश्चात पत्नी, पुतण्या मंदार भिडे आहेत.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
