छत्रपती शिवरायांच्या पुतळ्याबाबत सावंतवाडीचे नगराध्यक्ष म्हणाले...

सावंतवाडी (सिंधुदुर्ग) - शहरात मोती तलावाच्या मध्यभागी तुतारी जवळ केशवसुत कट्ट्यावरच छत्रपती शिवाजी महाराजांचा पुतळा उभारला जाणार आहे. राजघराण्याची त्यासाठी पुर्वपरवानगी मिळाली आहे, असे नगराध्यक्ष संजू परब यांनी पत्रकार परिषदेत सांगितले. 

येथील मोती तलावाच्या केशवसुत कट्ट्यावर तुतारी जवळ छत्रपती शिवाजी महाराजांचा पूर्णाकृती पुतळा उभारण्याचा संकल्प आहे. त्यासाठी आवश्‍यक असलेली परवानगी येथील संस्थानच्या राजघराण्याने दिली आहे. आमदार नितेश राणे यांच्या नेतृत्वाखाली राजघराण्याची भेट घेतली होती. त्यावेळी श्रीमंत खेमसावंत भोसले यांनी कळवितो, असे सांगितले होते, असे नगराध्यक्ष परब यांनी सांगितले. याबाबत राजेसाहेब यांनी आमदार नितेश राणे यांना फोन करून कळवले आहे. या पार्श्‍वभूमीवर नगराध्यक्ष परब यांनी राजघराण्याचे आभार मानले आहेत. 

वाचा - स्वाभिमानी शेतकरी संघटना राज्यभर दूध आंदोलन करणारच ; आंदोलन मोडीत काढण्याचा 'तो' डाव... 

याबाबतची पत्रकार परिषद घेऊन श्री.परब यांनी ही माहिती दिली. ते म्हणाले, ""याबाबत चार दिवसापूर्वी आमदार राणे यांनी राजवाड्यात जाऊन राजकारण्याची भेट घेतली होती. यावेळी आपला निर्णय काही दिवसात कळवू, असे आश्‍वासन त्यांच्याकडून देण्यात आले होते. यासंदर्भात काल (ता.19) राजकारण्यांकडून श्री. राणे यांना संपर्क साधून त्या ठिकाणी पुतळा होण्यास आपली कोणतीही हरकत नसल्याचे कळविले. यावेळी छत्रपती शिवाजी महाराजांच्या पुतळ्याकडे आम्ही कोणताही हस्तक्षेप करणार नाही.''

यावेळी नगरसेवक आनंद नेवगी, सुधीर आडिवरेकर, दिपाली भालेकर, नासिर शेख, समृद्धी विरनोडकर, उत्कर्षा सासोलकर, बंटी पुरोहित आदी उपस्थित होते. 

संपादन - राहुल पाटील