Rajapur Bauxite Mining Protest : 'रिफायनरीनंतर आता बॉक्साईटचा वाद; राजापुरात पुन्हा जनआंदोलनाची ठिणगी, ग्रामस्थ आक्रमक!

राजापूर : राजापूर तालुक्यात बॉक्साईट उत्खनन प्रकल्पावरून पुन्हा जनआंदोलन पेटणार (Rajapur bauxite mining protest news) आहे. नाणार-कुंभवडे-सागवे परिसरात प्रस्तावित प्रकल्पाविरोधात स्थानिक ग्रामस्थांनी आक्रमक पवित्रा घेतला आहे. शुक्रवारी (ता. १७) पंचायत समितीच्या मासिक बैठकीत या प्रकल्पाविरोधात सर्वानुमते निषेधाचा ठराव मंजूर करण्यात आला. जैतापूर अणुऊर्जा प्रकल्प, नाणार आणि बारसू रिफायनरी विरोधातील आता आणखी एक आंदोलन उभे राहात आहे.