Election
ElectionSakal

रत्नागिरी पालिका निवडणुका लांबणीवर; डिसेंबरला संपणार कालावधी

२२ डिसेंबरला कालावधी संपणार; कार्यक्रम जाहीर नाही

रत्नागिरी : कोरोना महामारीची दुसरी लाट ओसरत असली तरी तिसऱ्या लाटेचा धोका असल्याने प्रशासनाने खबरदारी बाळगली आहे. त्यामुळे सार्वजनिक कार्यक्रम, निवडणुकांवर निर्बंध आहेत. याचा फटका रत्नागिरी पालिकेच्या सार्वत्रिक निवडणुकीला बसण्याची शक्यता आहे. (election 2021)

२२ डिसेंबरला विद्यमान सद्स्यांचा कालावधी संपुष्टात येणार आहे; मात्र निवडणुकीच्या अनुषंगाने कोणतीच प्रक्रिया सुरू नाही, अवधीही कमी राहिला आहे. त्यामुळे पालिकेवर प्रशासक नियुक्तीची दाट शक्यता आहे. (ratnagiri News) मात्र, इच्छुकांनी आपली मोर्चेबांधणी सुरू ठेवली आहे. रत्नागिरी पालिकेची विद्यमान सदस्यांची २२ डिसेंबरला मुदत संपत आहे. त्यामुळे डिसेंबरला पालिकेची पंचवार्षिक निवडणूक आहे; मात्र कोरोना महामारीचा (corona impact) या निवडणुकीवर परिणाम झाला आहे. पाच ते सहा महिने आधी निवडणूक आयोग निवडणूक कार्यक्रम जाहीर करते. त्यामध्ये मतदार यादीचे पुनर्निरीक्षण करणे, प्रभागांची फेररचना करून ते निश्चित करणे, आरक्षण सोडत कार्यक्रम घेणे ही सर्व प्रक्रिया होते.

Election
सावधान! 'त्या' 50 गावांत पुन्हा दरडी कोसळण्याचा धोका

अवघे चार महिने शिल्लक

कोरोनाची दुसरी लाट अजून कायम आहे. ती संपलेली नाही. निम्मा ऑगस्ट महिना संपत आला आहेत. अवघे चार महिने शिल्लक असतानाही निवडणुकीच्या कोणत्याही हालचाली नाहीत. कोरोनाच्या संसर्गाचा अंदाज घेऊन हा कार्यक्रम जाहीर होण्याची शक्यता आहे; मात्र मुदत कमी असल्याने २२ डिसेंबरला पालिकेवर प्रशासन नियुक्ती होण्याची शक्यता आहे. त्यांच्या नियुक्ती कालावधीत महिना ते दोन महिन्यात निवडणुका लागण्याची शक्यता वर्तविली जात आहे.

प्रभाग रचना बदलली जाणार

रत्नागिरी पालिकेचे ३० प्रभाग आहेत. पंधरा वॉर्डमधून दोन नगरसेवक याप्रमाणे ही निवडणूक झाली होती; मात्र आता प्रभाग रचना बदलली जाणार आहे. ३० वॉर्डचे ३२ वॉर्ड होण्याची शक्यता असून प्रत्येक वॉर्डला एक नगरसेवक अशी रचना असणार आहे. त्यामुळे इच्छुक गुडघ्याला बाशिंग बांधून आहेत. अनेक विद्यमान नगरसेवक आणि इच्छुकांनी वर्षभरापासूनच निवडणुकीच्या कामाला सुरवात केली आहे; मात्र त्यांचा हिरमोड झाला आहे. निवडणूक आयोगाचा अजूनही पालिकेच्या सार्वत्रिक निवडणुकीसंदर्भात कोणताही कार्यक्रम आला नसल्याचे पालिका प्रशासनाने सांगितले.

Election
मुंबईसह देशातील 12 शहरे 2100 पर्यंत पाण्याखाली जातील; नासाचा इशारा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com