रत्नागिरी : संगीत कट्यार काळजात घुसलीने उघडणार पडदा

रत्नागिरी: महाराष्ट्र राज्य सांस्कृतिक कार्य संचालनालयातर्फे १० मार्चपासून संगीत राज्य नाट्य स्पर्धा येथील स्वा. वि. दा. सावरकर नाट्यगृहात रंगणार आहे. राज्यातील मुंबई, पुणे, सोलापूर व गोव्यासह १६ संगीत नाट्यप्रयोग रसिकांना पाहावयास मिळणार आहेत. सं. कट्यार काळजात घुसली या प्रयोगाने स्पर्धेला सुरवात होणार आहे.

या स्पर्धेला संगीतसूर्य केशवराव भोसले यांच्या स्मृतीशताब्दीनिमित्त त्यांचे नाव देण्यात आले आहे. यापूर्वी ही स्पर्धा ५ मार्चपासून सुरू होणार होती. मात्र, काही कारणास्तव ती पुढे ढकलण्यात आली असून आता १० मार्चपासून स्पर्धेला सुरवात होणार आहे. येथील अखिल चित्पावन ब्राह्मण विद्यार्थी सहायक संस्थेच्या सं. कट्यार काळजात घुसली या प्रयोगाने स्पर्धेला सुरवात होणार आहे. ११ ला मुंबईतील अमृत नाट्यभारती आयोजित धाडीला राम तिने का वनी,१२ ला दापोली तालुका ब्राह्मण हितवर्धिनी सभा यांचे संगीत गोपिकारमणू स्वामी माझा, १३ ला अस्तित्व मेकर्स फाउंडेशन, सोलापूर निर्मित संगीत स्वप्नवासवदत्ता, १४ ला सावंतवाडीतील क्षितिज इव्हेंटनिर्मित सं. मत्स्यगंधा, १६ ला कलारंग नाट्यप्रतिष्ठान, खंडाळानिर्मित सं. मत्स्यगंधा, १७ ला खल्वायनचे सं. ययाती आणि देवयानी, १८ ला आश्रय सेवासंस्था-रत्नागिरी निर्मित सं. देवमाणूस, १९ ला श्री ओंकार थिएटर्स गोवानिर्मित सं. कट्यार काळजात घुसली, २० ला मुंबईतील परस्पर सहायक मंडळ निर्मित संगीत सुवर्णतुला, २१ ला कामगार अधिकारी कार्यालय, बृहन्मुंबई महापालिका आयोजित सं. पंढरपूर, २२ ला संक्रमण पुणेनिर्मित सं. आरंभी स्मरितो पाय तुझे,२३ ला सान्वी कला मंच मांद्रे, गोवानिर्मित सं. विठू आलो माहेरा, २४ ला मोरजी सार्वजनिक गणेशोत्सव सांस्कृतिक क्रीडासंघ, मोरजी पेडणे-गोवा यांचे सं. शिक्का कट्यार, २५ ला श्रुती मंदिर सोलापूर यांचे सं. सूर साज, आणि २७ ला वसंतराव आचरेकर सांस्कृतिक प्रतिष्ठान, कणकवली आयोजित सं. तुका म्हणे आता या नाटकाने स्पर्धेची सांगता

होणार आहे.