- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
चिपळूण (रत्नागिरी) : जयपूर ( राजस्थान ) येथे होणाऱ्या ६७ व्या अखिल भारतीय कब्बडी स्पर्धेसाठी महाराष्ट्र राज्य संघात पेंढाबे गावाचा सुपुत्र स्वप्नील दिलीपराव शिंदे यांची निवड झाल्याबद्दल अनेकांनी त्यांचे अभिनंदन केले. पेंढाबे येथील जेष्ठ कब्बडीपटू दिलीपराव शिंदे यांचे ठाणे येथील राज्य अजिंक्य कब्बडी स्पर्धेच्यावेळी अंतिम सामना पाहत असताना अकाली निधन झाले. रत्नागिरी जिल्हा कब्बडी संघाने विजेते पद मिळवावे आणि स्वप्नील शिंदे यांची महाराष्ट्र राज्य संघात निवड व्हावी हे त्यांचे स्वप्न होते.
मात्र वडिलांच्या निधनानंतर स्वप्नील शिंदे पूर्णपणे कोसळला त्याचवेळी दसपटी क्रीडा मंडळ अध्यक्ष प्रतापराव शिंदे यांनी त्याला सावरले आणि मायेचा हात त्याच्या पाठीवर ठेवला. त्यातून भरारी घेत आज स्वप्नील शिंदे वडिलांचा कबड्डीचा वारसा पुढे चालवीत आहे. दसपटी स्थानिक संघ,महिंद्रा अँड महिंद्रा व्यावसायिक संघाचा खेळाडू म्हणून कब्बडीमध्ये स्वप्नील शिंदे आपली कारकीर्द करीत आहे. तर प्रो कब्बडीमध्ये पुणेरी फलटण व दबंग दिल्ली संघातून सुद्धा खेळला आहे.
जिल्ह्याला ६७ वर्षाने अंतिम विजेते पद
नुकत्याच चिपळूण येथे झालेल्या ६७ व्या वरिष्ठ गट राज्य अजिंक्य पद निवड चाचणी कब्बडी स्पर्धेत रत्नागिरी जिल्ह्याला तब्बल ६७ वर्षाने अंतिम विजेते पद मिळवून देण्यामध्ये स्वप्नील शिंदे यांचा सिंहाचा वाटा असून कै दिलीपराव शिंदे यांचे ते स्वप्नं सुद्धा पूर्ण झाले. तर जयपूर ( राजस्थान ) येथे अखिल भारतीय कब्बडी स्पर्धा दि 2 ते 6 मार्च दरम्यान होणार आहेत. या स्पर्धेत महाराष्ट्र राज्य संघात स्वप्नील शिंदे यांची निवड झाली. त्याबद्दल अनेकांनी त्यांचे अभिनंदन केले आहे तर भावी वाटचालीस शुभेच्छा दिल्या आहेत .
रत्नागिरी जिल्ह्याचे,दसपतीचे नाव रोशन करणार
श्री कुलस्वामिनी देवीचा आशीर्वाद,वडिलांची पुण्याई,काका प्रतापराव शिंदे यांचे प्रोत्साहन, शिवछत्रपती पुरस्कार विजेते महिंद्रा अँड महिंद्रा परीक्षक सागर बांदेकर व विलास जाधव सर यांनी माझ्यावर घेतलेली मेहनत आणि अनेकांचे आशीर्वाद नेहमीच लाभत असल्याने यशस्वी शिखरे गाठू शकलो. यापुढे ही अनेकांच्या आशीर्वादाने महाराष्ट्र संघात चांगली कामगिरी करून रत्नागिरी जिल्ह्याचे,दसपतीचे नाव रोशन करणार असल्याची प्रतिक्रिया स्वप्नील शिंदे यांनी दिली.
स्वप्नील शिंदे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.