जिल्हा मध्यवर्ती बँकेकडून 2 एटीएम व्हॅन

rat१४३३.TXT

बातमी क्र. ३३ ( पान ३ )
ओळी
- rat१४p२६.jpg-
७५५४५
चिपळूण ः रत्नागिरी जिल्हा मध्यवर्ती बँकेच्या दोन एटीएम व्हॅनचे उद्घाटन करताना आमदार शेखर निकम, मंगेश कुलकर्णी, बँकेचे अध्यक्ष डॉ. तानाजीराव चोरगे, उपाध्यक्ष बाबाजीराव जाधव आदी

जिल्हा मध्यवर्ती बँकेच्या २ एटीएम व्हॅन

नाबार्डचे सहकार्य ; सहा तालुक्यातील शेतकऱ्‍यांना आधार

रत्नागिरी, ता. १४ ः जिल्हा बँक आणि नाबार्ड यांच्या संयुक्त निधीतून ग्राहकांच्या सेवेत रूजू होत असलेल्या दोन नवीन एटीएम व्हॅनचे उद्घाटन नुकतेच करण्यात आले. चिपळूण-गुहागर, संगमेश्वर आणि खेड, मंडणगड-दापोली या दोन विभागातील सहा तालुक्यातील शेतकरी, व्यापारी, ग्राहकांसह अन्य नागरिकांना बँकिंग सेवा पुरवण्यासाठी या व्हॅनचा उपयोग होणार आहे.
व्हॅनचे उद्घाटन बँकेचे संचालक आमदार शेखर निकम, राष्ट्रीय कृषि व ग्रामीण विकास बँकेचे (नाबार्ड) जिल्हा प्रबंधक मंगेश कुलकर्णी यांच्या हस्ते झाले. यावेळी बँकेचे अध्यक्ष डॉ. तानाजीराव चोरगे, उपाध्यक्ष बाबाजीराव जाधव यांच्यासह सर्व संचालक मंडळ सदस्य, बँकेचे कार्यकारी संचालक अजय चव्हाण व अधिकारी उपस्थित होते. बँकेने नोव्हेंबर २०२० पासून प्रथम एका मोबाईल व्हॅनद्वारे बँकेच्या रत्नागिरी-लांजा-राजापूर व संगमेश्वर या तालुक्यात एटीएम सेवा देण्यास सुरूवात केली होती. आता बँकेच्या ताफ्यात आणखी दोन नवीन मोबाईल एटीएम व्हॅन रूजू झाल्या आहेत. संपूर्ण रत्नागिरी जिल्ह्यातील बँकेचे ग्राहक, शेतकरी, व्यापारी व नागरिकांना आठवडा बाजार, यात्रा, बस स्टँण्ड आदी ठिकाणी बँकिंग सेवा पुरविण्यात येणार आहे.