जिल्ह्यात 0 ते 18 वर्षांच्या 3 लाख जणांची तपासणी

rat०७६.TXT

(पान २ साठीमेन)

जिल्ह्यात तीन लाख बालकांची तपासणी

जागर पालक, सुदृढ बालक अभियान ; आजारी विद्यार्थ्यांवर तत्काळ उपचार

सकाळ वृत्तसेवा ः
रत्नागिरी, ता. ७ ः जन्मलेल्या बालकांपासून १८ वर्षांपर्यंतच्या विद्यार्थ्यांपर्यंत सर्वांचेच आरोग्य सृदृढ राहावे यासाठी बाल सुरक्षा अभियानांतर्गत जागर पालक, सुदृढ बालक अभियान रत्नागिरी जिल्ह्यात राबवले जात आहे. त्यासाठी गावागावामध्ये पथके तयार केली असून जिल्ह्यातील ३ लाख बालकांची तपासणी केली जाणार आहे. त्यातील आजारी विद्यार्थ्यांवर तत्काळ उपचार केले जातील.
जन्मल्यापासून अठरा वर्षापर्यंतच्या बालकांसाठी बाल सुरक्षा अभियान सार्वजनिक आरोग्य व कुटुंबकल्याण विभागाकडून राबवण्यात येणार आहे. या अभियानात बालके व किशोरवयीन मुलामुलींचे सर्वांगीण आरोग्य तपासणी व लसीकरण केले जाईल. राज्यातील २ कोटी ९२ लाख बालकांची तपासणी होणार असून त्यात जिल्ह्यातील २ लाख ९९ हजार ७५९ बालकांचा समावेश आहे. या अभियानासाठी ग्रामीण भागात प्राथमिक आरोग्य केंद्र व उपकेंद्रांच्या संख्येनुसार तर शहरी भागात नागरी आरोग्यकेंद्रांच्या संख्येनुसार पथके तयार केली जातील. यामध्ये समुदाय आरोग्य अधिकारी, आरोग्यसेवक व सेविका, आशा यांचा समावेश राहील. दिवसाला साधारणपणे १५० विद्यार्थ्यांची तपासणी वैद्यकीय अधिकाऱ्‍यांनी करावयाची आहे. अभियानाचा आढावा घेण्यासाठी ग्रामीण व शहरी भागाकरिता जिल्हास्तरावर जिल्हाधिकारी यांच्या अध्यक्षतेखाली जिल्हा कृतिदल स्थापन केला आहे.
या मोहिमेत तज्ज्ञांमार्फत तपासणी करणे, आजारी बालकांना त्वरित उपचार मिळवून देणे, प्रतिबंधात्मक आरोग्य सुविधा पुरवणे, सुस्थितीत व सुदृढ आरोग्यासाठी समुपदेशन करणे, पात्र लाभार्थ्यांचे लसीकरण पूर्ण केले जाईल. पहिल्या टप्प्यातील तपासणीत वैद्यकीय अधिकारी, औषध निर्माण अधिकारी, प्रयोगशाळा तंत्रज्ञ व आरोग्य सेविका यांचा समावेश केला आहे. पुढील टप्प्यात बालरोग, स्त्रीरोग, अस्थिरोग तज्ज्ञ, नेत्र शल्य चिकित्सक, दंतरोग अशा तज्ज्ञांमाफत तपासणी करुन उपचार देतील. तपासणीसाठी शासकीय व खाजगी शाळा व कनिष्ठ महाविद्यालये, आश्रमशाळा, दिव्यांगशाळा, अंगणवाडी, बालवाडी यांचा उपयोग करता येणार आहे. महाविद्यालयात न जाणाऱ्‍या मुलांना प्राथमिक आरोग्य केंद्र व उपकेंद्रात तपासणीसाठी नियोजन केले आहे.
बाल सुरक्षा अभियानाची सुरवात ९ फेब्रुवारीला होणार आहे. मार्च २०२३ अखेरीस आठ आठवड्यात तपासणी करावयाची आहे. जिल्ह्यात ६५ प्राथमिक आरोग्य केंद्र असुन त्यानुसार पथकांची स्थापना केली जाणार आहे. या अभियानामार्फत पालकांनी मुलामुलींची तपासणी व लसीकरण करून घ्यावे असे आवाहन जिल्हाधिकारी एम. देवेंदर सिंह, मुख्य कार्यकारी अधिकारी कीर्तीकिरण पुजार, जिल्हा आरोग्य अधिकारी डॉ. अनिरुद्ध आठल्ये, जिल्हा शल्य चिकित्सक डॉ. संघमित्रा फुले- गावडे, जिल्हा कार्यक्रम व्यवस्थापक श्रीमती नयना इंगोले, शिक्षणाधिकारी वामन जगदाळे, श्रीमती सुवर्णा सावंत यांनी केले आहे.
---

१८ वर्षांपर्यंतच्या बालकांची तालुकानिहाय आकडेवारी अशी ः

तालुका*० ते ६ वर्षे*६ ते १८ वर्षे*एकूण
*मंडणगड*२९५१*८१०५*११०५६
*दापोली*२७७४३*७७२१*३५४६४
* खेड*२७६०२*११९२७*३९५२९
* गुहागर*१३८७४*१८८०६*४९३२
* चिपळूण*४६८९२*११२३३*५८१२५
* संगमेश्वर*२४३८४*७१४७*३१५३१
* रत्नागिरी*४४१४८*१७००२*६११५०
* लांजा*१३३३७*४८१०*१८१४७
* राजापूर*१९५८३*६३६८*२५९५१