मंडणगड - मंडणगडात कामबंद आंदोलनाला शंभर टक्के प्रतिसाद

- Rat14p25.jpg ःKOP23L88952 मंडणगड ः संपाच्या पार्श्वभूमीवर मंडणगड 11 कर्मचारी संघटनांचे पदाधिकारी तहसीलदार विजय सूर्यवंशी यांच्याकडे मागण्यांचे निवेदन सादर करताना.

मंडणगडात कामबंदला शंभर टक्के प्रतिसाद
तहसीलदारांना दिले निवेदन ः कनिष्ठ महाविद्यालयीन शिक्षक कार्यरत
मंडणगड, ता. १४ ः सरकारी, निमसरकारी शिक्षक, शिक्षकेतर महानगरपालिका, नगरपालिका, नगरपंचायत व अंशकालीन, कंत्राटी, रोजंदारी कर्मचारी समन्वय समिती महाराष्ट्र राज्य यांच्यावतीने सध्याची एनपीएस ही पेन्शन योजना रद्द करून जुनी पेन्शन योजना लागू करण्यासह अन्य प्रलंबित दहा मागण्यांसाठी १४ मार्चपासून पुकारलेल्या बेमुदत संपास मंडणगड तालुक्यात शंभर टक्के प्रतिसाद लाभला. कनिष्ठ महाविद्यालयातील शिक्षक वगळता सर्व स्तरातील कर्मचारी या संपात सहभागी झाले आहेत.
मंडणगड तालुक्यातील एकूण११कर्मचारी संघटनाचे पदाधिकाऱ्यांनी तहसीलदार विजय सूर्यवंशी यांच्याकडे कर्मचाऱ्यांच्या विविध मागण्यांचे निवेदन सादर केले. यानंतर तहसील कार्यालयाच्या आवारात मोठ्या संख्येने उपस्थित असलेल्या तालुक्यातील कर्मचाऱ्यांना सर्व संघटनांच्या पदाधिकाऱ्यांनी संबोधित केले. जुनी पेन्शन योजना पूर्वलक्षी प्रभावाने लागू करण्यासंदर्भातील घोषणा केल्याशिवाय मागे न हटण्याचा ठाम निर्धार कर्मचाऱ्यांच्यावतीने व्यक्त करण्यात आला आहे.