काजू उद्योगाला सिंधुदुर्गात बळकटी
90492
काजू व्यवसायाचे संग्रहित छायाचित्र.
90493
काजू बोंड
काजू उद्योगाला
सिंधुदुर्गात बळकटी
लीड
‘गती निर्णयांची, प्रगती महाराष्ट्राची’ हे ब्रीद घेऊन महाराष्ट्र शासनाने राज्याच्या विकासाची पावले टाकायला सुरुवात केली. नुकत्याच झालेल्या अर्थसंकल्पात कोकण विकासासाठी जवळपास साडेतेरा हजार कोटींची तरतूद करण्यात आली आहे. यामुळे काजू प्रक्रिया उद्योगाला निश्चितच बळ मिळणार असून, जिल्ह्यातून अतिरिक्त ६५ हजार मेट्रीक टन काजू प्रक्रिया उत्पादनाला वाव मिळणार आहे.
- प्रशांत सातपुते, जिल्हा माहिती अधिकारी, सिंधुदुर्ग
..............
सिंधुदुर्ग जिल्ह्यामध्ये ७२ हजार हेक्टर हे काजू लागवडीचे क्षेत्र आहे. प्रत्यक्षात यामधून ५९ हजार हेक्टर क्षेत्रातून फळे निघतात. १.६० मेट्रीक टन हेक्टरी काजूचे उत्पादन आहे. म्हणजेच ९५ हजार मेट्रीक टन काजू उत्पादन सध्या मिळत आहे. एकात्मिक फलोत्पादन विकास अभियानांतर्गत ९७ मोठे तर, २२४ छोटे काजू प्रक्रिया उद्योग अस्तित्वात आहेत. यामधून १० हजार ५८४ मेट्रीक टन प्रक्रिया केलेले काजू उत्पादन मिळते. तसेच मुख्यमंत्री कृषी व अन्न प्रक्रिया योजनेमध्ये १० मोठ्या काजू प्रक्रिया उत्पादकांना मान्यता आहे. त्यामधून २० हजार मेट्रीक टन प्रक्रिया काजू उत्पादन मिळत आहे. नुकत्याच झालेल्या राज्याच्या अर्थसंकल्पात कोकणात विकासाला चालना देण्यासाठी जवळपास साडेतेरा हजार कोटींची तरतूद करण्यात आली आहे. काजू बोर्ड स्थापनेसाठी २०० कोटींची तरतूद आहे. जिल्ह्यात काजू पीक मोठ्या प्रमाणात होत असून या पिकावरील पूरक उद्योगांना चालना मिळणार आहे. म्हणजेच जिल्ह्यात नवी काजू क्रांती होईल. त्याशिवाय फणस, आंबा आणि मत्स्यव्यवसाय यांनाही मोठा फायदा मिळणार आहे. जिल्ह्यातील एकूण उत्पादन मिळणाऱ्या ९५ हजार मेट्रीक टन काजूपैकी सध्या ३० हजार मेट्रीक टन इतकेच प्रक्रिया काजूचे उत्पादन मिळत आहे. म्हणजेच अद्यापही उर्वरित ६५ हजार मेट्रीक टन काजूवर प्रक्रिया करून चांगले उत्पादन घेण्यास जिल्ह्याला वाव मिळणार आहे. मोपा हे आंतरराष्ट्रीय आणि बॅ. नाथ पै अशा दोन विमानतळांमुळे पर्यटन जिल्ह्यातील पर्यटनवाढीबरोबरच येथील शेती-मत्स्य उत्पादनाची निर्यात होण्यासही भविष्यात मोठी संधी उपलब्ध झाली आहे. त्यामुळे निश्चितच छोट्या-मोठ्या रोजगारांसह उद्योग-व्यवसायांचीही वाढ होणार आहे. अर्थसंकल्पातील तरतुदीचा हा बुस्टर डोस जिल्ह्याच्या सर्वांगीण विकासाला लाभदायक ठरणार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.