नेरूरपार तुळजाभवानीचा आजपासून वर्धापनदिन

swt१२५.jpg
०२२९७
श्री कुलदेवता तुळजाभवानी

नेरूरपार तुळजाभवानीचा
आजपासून वर्धापनदिन
सकाळ वृत्तसेवा
कुडाळ, ता. १२ः नेरूरपार येथील श्री कुलदेवता तुळजाभवानी मंदिराचा ५ वा वर्धापनदिन सोहळा १३ व १४ या कालावधीत साजरा करण्यात येणार आहे.
होणारे कार्यक्रम असेः उद्या (ता.१३) सकाळी ६ वाजता श्री देवीची नित्य पूजा, ७ ते १ श्री देवी गणेश याग विधी (प्रायश्चित विधी, मंगलाचरण, देवतांना आवाहन, गणेश पूजन, पुण्याहवाचन प्रकार शुद्धी, देवी स्थापना व पूजा, श्री तुळजा भवानी मुर्तीवर अभिषेक), ९ वाजता कुंकू मार्जन सेवा कर्म समाप्ती, दुपारी १ ते ३ महाआरती व महाप्रसाद.
सायंकाळी ४ ते ७ स्थानिक ग्रामस्थांची भजने, ७ ते ८ नित्य आरती, रात्री ८ संदिप मांडके बुवा यांचे किर्तन. रविवारी (ता.१४) सकाळी ६ वाजता श्री देवीची नित्यपुजा शतकलशाभिषेक, सकळी ७ ते १ वाजता हवन विधी मंगलाचरण, प्रकार शुद्धी, आवहित देवता पूजन, श्री सुक्त हवन विधी, महापूर्णाहुती, उत्तरंग हवन विधी आशीर्वाद आदी कार्यक्रम होतील. दुपारी १ ते ३ महाआरती व महाप्रसाद, सायंकाळी ४ ते ७ स्थानिक ग्रामस्थांची भजने, सायंकाळी ७ ते ८ या वेळेत नित्य आरती होईल. रात्री आठ वाजता दशावतार नाटक भाविकांनी या सोहळ्याला उपस्थित राहावे, असे आवाहन नेरूरपार येथील श्री कुलदेवता तुळजाभवानी मंडळाने केले आहे.