हर्णै समुद्रदर्शन पॉईंट धोकादायक

१६ (पान ५ साठी)

-rat१३p१३.jpg ः
२३M०२५५९
हर्णै ः समुद्रदर्शन पॉईंटवरील लोखंडी रेलिंग चोरीला गेल्याने धोकादायक ठरत असलेला हा पॉईंट.
-----
हर्णैमधील समुद्रदर्शन पॉईंट धोकादायक

लोखंडी रेलिंग चोरीला ; पर्यटकांच्या पसंतीचा स्थान

दाभोळ, ता. १३ ः कोकणातील दापोली तालुक्याला स्वच्छ, सुंदर समुद्र किनारपट्टीसह निसर्गसृष्टी सौंदर्याचे अगदी भरभरून वरदान लाभले आहे. त्यामुळे दापोलीत पर्यटकांचे येण्याचे प्रमाण वाढले आहे. पर्यटकांना आकर्षित करण्यासाठी सार्वजनिक बांधकाम विभागाने हर्णै-आंजर्ले बायपास मार्गावर २ ठिकाणी समुद्रदर्शनासाठी पॉईंट तयार केले होते; मात्र तेथील लोखंडी पाईप चोरीला गेल्याने हे पॉईंट धोकादायक ठरत आहेत.
दापोली तालुक्यात हर्णै बायपास मार्गावरून प्रवास करणाऱ्या पर्यटकांना अगदी सहज समुद्रदर्शन होईल यासाठी सार्वजनिक बांधकाम विभागाने २० वर्षापूर्वी २ ठिकाणी समुद्रदर्शनासाठी व सूर्यास्त पाहण्यासाठी पॉईंट उभारले होते. यातील पाजपंढरी गावाच्या माथ्यावरील हर्णै बायपास मार्गावरील अडखळ हद्दीत असलेला सनसेट पॉईंट हा पर्यटकांच्या सर्वाधिक पसंतीस उतरलेला पॉईंट आहे. या पॉईंटवरून सूर्य मावळतीला जातानाचे विलोभनीय दृश्य पाहण्यासाठी अनेक पर्यटक या ठिकाणी थांबतात. याच ठिकाणाहून हर्णै समुद्रातील सुवर्णदुर्ग किल्ला, पाजपंढरी गावातील समुद्रकिनाऱ्याजवळ असलेली घरे, समुद्राच्या उसळणाऱ्या लाटा, आंजर्ले येथील कड्यावरचे गणपती मंदिर अथवा नारळी पोफळींच्या बागा हे पाहण्यासाठी पर्यटक येथे थांबतातच; मात्र या पॉईंटवरून कोणी खाली पडू नये यासाठी लोखंडी पाईपचे रेलिंग बसवले होते. काही समाजकंटकांनी ते कापून त्याची भंगारात विक्री केली आहे. रेलिंग नसल्याने हा भाग धोकादायक झाला असून, पर्यटकांच्या सुरक्षेसाठी सार्वजनिक बांधकाम विभागाने या ठिकाणी पुन्हा रेलिंग बसवावेत, अशी मागणी करण्यात आली आहे.
-