बाल शिवाजी स्कूलमधील विद्यार्थ्यांचे तायक्वांदोत यश

बाल शिवाजी स्कूलमधील
विद्यार्थ्यांचे तायक्वांदोत यश
कणकवली,ता. २४ ः येथील बाल शिवाजी इंग्लिश मिडीअम स्कूल कणकवलीच्या विद्यार्थ्यांनी रत्नागिरीतील तायक्वांदो ब्लॅक बेल्ट परीक्षेत यश मिळविले. तनिष्का संदीप सावंत (इयत्ता आठवी), कुणाल नीलेश नारकर (इ.दहावी), अशी यशस्वी विद्यार्थ्यांची नावे आहे.
छत्रपती शिवाजी महाराज स्टेडियम रत्नागिरी येथे २१ ते २४ मे दरम्यान घेतलेल्या तायक्वांदो ब्लॅक बेल्ट परीक्षेत यश मिळविले. ही परीक्षा तायक्वांदो फेडरेशन ऑफ इंडियातर्फे तायक्वांदो असोसिएशन ऑफ महाराष्ट्र आणि रत्नागिरी तायक्वांदो स्पोर्ट्सने आयोजित केली होती. बाल शिवाजी इंग्लिश मिडीअम स्कूल, कणकवली ही शाळा नेहमीच विद्यार्थ्यांसाठी शालेय अभ्यासक्रमा व्यतिरिक्त संगीत, तायक्वांदो, कराटे, नृत्य या अभ्यासक्रमासाठी विशेष प्रयत्नशील असते. बाह्य उपक्रम व स्पर्धा यात शाळेचे विद्यार्थी सातत्याने यशस्वी होतात. संस्थेतर्फे यशस्वी विद्यार्थ्यांचे अभिनंदन करण्यात आले. याप्रसंगी संस्थेच्या संचालिका सुलेखा राणे, खजिनदार रमेश राणे, संस्थेचे सदस्य संदीप सावंत, विनायक सापळे, अभिजीत सावंत, संस्थेच्या शैक्षणिक उत्कृष्टता संचालक प्रणाली सावंत, मुख्याध्यापिका गीतांजली कुलकर्णी आदी उपस्थित होते.