Railway Track
Railway Trackesakal

Ratnagiri Police : RTO कार्यालयाजवळील रेल्वे रुळावर शिरापासून धड वेगळं झालेल्या अवस्थेत सापडला तरुणीचा मृतदेह

रिया सायंकाळी मैत्रिणीचा ओबीसीचा ऑनलाइन फाॅर्म भरण्यासाठी जाते, असे सांगून घरातून गेली होती.
Summary

शोध सुरू असताना रात्री सव्वाअकराच्या सुमारास तिचा मृतदेह उपप्रादेशिक परिवहन कार्यालयाजवळील रेल्वे पुलाजवळील रुळावर मान व धड वेगळे झालेल्या स्थितीत आढळला.

रत्नागिरी : कुवारबाव येथील गणेशनगर-आरटीओ कार्यालयाजवळील (RTO Office) रेल्वे रुळावर (Railway Track) एका तरुणीचा मृतदेह सापडला. शिरापासून धड वेगळे झालेल्या अवस्थेत हा मृतदेह होता. ही आत्महत्या असल्याचा पोलिसांचा प्राथमिक अंदाज आहे. चार दिवस ही मुलगी प्रचंड तणावाखाली होती, मात्र हा तणाव कसला होता, याचा पोलिस (Ratnagiri Police) तपास करत आहेत.

Railway Track
वैद्यकीय उपचारातील हलगर्जीपणामुळे प्रसूतीनंतर आईसह बाळाचा मृत्यू; रक्तस्त्रावाने प्रकृती बनली होती गंभीर

रिया रावसाहेब रणदिवे (वय १८, रा. रसाळवाडी-शांतिनगर, रत्नागिरी) असे मृत तरुणीचे नाव आहे. ही घटना सोमवारी (ता.१८) घडली. पोलिसांकडून मिळालेली माहिती अशी, रिया सायंकाळी मैत्रिणीचा ओबीसीचा ऑनलाइन फाॅर्म भरण्यासाठी जाते, असे सांगून घरातून गेली होती. रात्री आठ वाजल्यानंतरही ती घरी आली नाही. म्हणून नातेवाइकांनी तिच्या मित्र-मैत्रिणींकडे शोधाशोध केली, मात्र ती सापडली नाही.

त्यानंतर रियाचे वडील रावसाहेब पोपट रणदिवे यांनी कुवारबाव पोलिस चौकीत खबर दिली. त्यानंतर रियाचे वडील व कुवारबाव पोलिस (Kuwarbav Police) चौकीतील पोलिस हेड कॉन्स्टेबल संतोष गायकवाड, श्री. तटकरी यांनी कुवारबाव परिसरात शोध सुरू केला. शोध सुरू असताना रात्री सव्वाअकराच्या सुमारास तिचा मृतदेह उपप्रादेशिक परिवहन कार्यालयाजवळील रेल्वे पुलाजवळील रुळावर मान व धड वेगळे झालेल्या स्थितीत आढळला.

Railway Track
'ट्रंक कॉल फाउंडेशन'च्या कामाची ब्रिटिश संसदेत दखल; हत्तींशी सुसंवाद साधणाऱ्या माणसाचं तोंडभरून कौतुक, काय आहे प्रकार?

उत्तरीय तपासणीसाठी पोलिसांनी मृतदेह जिल्हा शासकीय रुग्णालयात पाठवला. याप्रकरणी रियाच्या वडिलांनी शहर पोलिस ठाण्यात खबर दिली. खबरीवरून पोलिसांनी आकस्मिक मृत्यूची नोंद केली आहे. शहर पोलिस याचा अधिक तपास करत आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com