ः 47 रेशन दुकानांना ई-पॉस मशिन

४२ (पान ५ साठी)

- rat१९p३०.jpg-
२४M७८५३८
मंडणगड: तहसील कार्यालयात आयोजित कार्यक्रमात तालुक्यातील दुकानदारांना इ पॉस मशिनचे वाटप करताना तहसीलदार श्रीधर गालीपेल्ली व दुकानदार.

मंडणगडात ४७ रेशन दुकानांना ई-पॉस मशिन
सकाळ वृत्तसेवा
मंडणगड, ता. १९ ः राज्यात सार्वजनिक वितरण व्यवस्थेंतर्गत संगणकीकरण प्रकल्प २०१७ पासून राबवण्यात येत आहे. या प्रकल्पाअंतर्गत मंडणगड तालुक्यातील ४७ रास्तभाव धान्य दुकानांना जिल्हा पुरवठा अधिकारी रत्नागिरी यांच्याकडून प्राप्त झालेल्या नवीन ई-पॉस मशिनचे वितरण तहसीलदार श्रीधर गालीपेल्ली यांच्या हस्ते करण्यात आले.
तहसील कार्यालयात आयोजित कार्यक्रमानंतर मशिनचे उद्घाटन झाले. या वेळी उपस्थित सर्व दुकानदारांना नवीन E-Pos मशिनबाबत तांत्रिक साहाय्यक चिकटे व उपानेकर यांनी प्रशिक्षण दिले. या प्रसंगी महसूल नायब तहसीलदार अमरसिंह जाधव, पुरवठा निरीक्षक मयुर पौळ, रास्त दुकानदार संघटना मंडणगड तालुकाध्यक्ष प्रदीप मालुसरे, सदस्य प्रताप घोसाळकर, अनंत केंद्रे, रिकामे, दळवी व सर्व रास्तभाव दुकानदार उपस्थित होते. नवीन मशिन आल्यामुळे शिधापत्रिकाधारकांना यामुळे धान्य घेताना येणाऱ्या तांत्रिक अडचणी कमी होणार आहेत.